ءانشى قايرات نۇرتاس الاكولدە ءان كەشىن وتكىزگەن. قازىر شىعىس قازاقستان وبلىسىنىڭ سانيتارلىق-ەپيدەميولوگيالىق باقىلاۋ دەپارتامەنتى تەكسەرۋ جۇمىستارىن جۇرگىزۋدە دەپ حابارلايدى "ادىرنا" ۇلتتىق پورتالى "zakon.kz-كە" سىلتەمە جاساپ.
قايرات نۇرتاس ءوز ينستاگرام پاراقشاسىنا كونتسەرتتە تۇسىرگەن ۆيدەوسىن جاريالاپ، "راقمەت، الاكول" دەگەن جازبا قالدىرعان.
ال شىعىس قازاقستان وبلىسىنىڭ سانيتارلىق-ەپيدەميولوگيالىق باقىلاۋ دەپارتامەنتىنە پوليتسيادان كونتسەرتتى ۇيىمداستىرۋشىلارعا قاتىستى ەشقانداي ماتەريال تۇسپەگەندىگى تۋرالى حابارلانعان.
"قازىرگى ۋاقىتتا ءۇرجار اۋداندىق سانيتارلىق-ەپيدەميولوگيالىق باقىلاۋ ءبولىمىنىڭ جاۋاپتى قىزمەتكەرلەرى بۇل فاكتى بويىنشا تەرگەۋ جۇمىستارىن جۇرگىزۋدە. كەلىپ تۇسكەن ماتەريالدار زاڭمەن بەلگىلەنگەن مەرزىمدە قارالادى", - دەلىنگەن حابارلامادا.
دەپارتامەنت سونىمەن قاتار كارانتيندى ساقتاۋ قاجەتتىگىن دە ەسكە سالعان.
بۇگىندە شىعىس قازاقستان وبلىسى «سارى» ايماقتا.
"ادىرنا" ۇلتتىق پورتالى.
