بۇگىن قر ۇكىمەتىنىڭ وتىرىسىندا وڭىرلەردىڭ 5 ايداعى الەۋمەتتىك ەكونوميكالىق دامۋ كورسەتكىشى جاريالاندى. ماڭعىستاۋ وبلىسى وتە جاقسى كورسەتكىشكە يە بولدى. وڭدەۋ، اۋىلشارۋاشىلىعى، قۇرىلىس، تۇرعىنۇي بەرۋ، ساۋدا، كولىك، جەكە ينۆەستيتسيا ياعني ەكونوميكانىڭ بارلىق 7 باعىتى بويىنشا وڭ وسىمگە قول جەتكىزدى دەپ حابارلايدى "ادىرنا" ۇلتتىق پورتالى ماڭعىستاۋ وبلىسى اكىمىنىڭ ءباسپاسوز قىزمەتىنە سىلتەمە جاساپ.
اتاپ ايتساق، بيىلعى جىلدىڭ بەس ايىندا وبلىستا وڭدەۋ ونەركاسىبىنىڭ كولەمى – 104,5%، نەگىزگى كاپيتالعا سالىنعان ينۆەستيتسيا – 115,1%، اۋىل شارۋاشىلىعى ءونىمىنىڭ كولەمى – 103%، قۇرىلىس جۇمىستارىنىڭ كولەمى – 109,1%، تۇرعىن ءۇيدى ىسكە قوسۋ قارقىنى – 106,3%، ساۋدا سالاسى – 102,7%، كولىك جانە لوگيستيكا – 108,1% دەڭگەيىندە قامتاماسىز ەتىلىپ، وڭ وسىمگە قول جەتكىزىلگەن.
بۇل تۋرالى ماڭعىستاۋ وبلىسىنىڭ اكىمى سەرىكباي ترۇموۆ ورتالىق كوممۋنيكاتسيالار ورتالىعىندا وتكەن بريفينگتە مالىمدەدى.
ونىڭ ايتۋىنشا، جىل باسىنان بەرى وبلىستا وڭدەۋ ونەركاسىبىن دامىتۋ سالاسىنداعى ءوندىرىس كولەمى 4,5%-عا ارتىپ، 63,5 ملرد تەڭگەنى قۇراعان.
«وبلىستا مينەرالدى تىڭايتقىشتار، بيتۋم جانە مۇناي ونىمدەرىن ءوندىرۋ كولەمى وسكەن. ماسەلەن اقتاۋداعى «كاسپي بيتۋم» زاۋىتى 5 ايدا جالپى ەلىمىزدە وندىرىلگەن جول بيتۋمىنىڭ 48 پايىزدى قامتىپ وتىر»، -دەدى س.ترۇموۆ.
ماڭعىستاۋ وبلىسى اكىمىنىڭ ايتۋىنشا، بيىل بۇل سالادا جالپى قۇنى – 21,7 ملرد تەڭگە بولاتىن 8 جاڭا جوبا ىسكە اسىرىلۋدا. ناتيجەسىندە جاڭادان 200-دەن استام جۇمىس ورنىن قۇرۋ جوسپارلانىپ وتىر.
سونداي-اق بيىل ماڭعىستاۋدا 245 شاقىرىمدى قامتيتىن وبلىستىق جانە اۋداندىق ماڭىزداعى 17 جوبا ىسكە اسىرىلىپ جاتىر. ونىڭ ىشىندە جىلدار بويى جوندەۋ كورمەي، توزىعى جەتكەن «قۇرىق-جەتىباي» اۆتوجولى كۇردەلى جوندەۋدەن وتكىزىلۋدە. 69 شاقىرىم جول تالاپقا ساي ەتىپ قايتا سالىنادى.
«ماڭعىستاۋ وبلىسىنىڭ تۋريستىك كلاستەرىن دامىتۋ ماقساتىندا اقتاۋ اۋەجايىنان جىلى جاعاجايعا دەيىنگى 30 شاقىرىمدى قامتيتىن اۆتوجولدى قايتا جاڭارتۋ جۇمىستارى باستالدى. بۇدان بولەك، بيىل اۋىلىشىلىك جولدارىن جاڭارتۋ باعىتىندا دا قارقىندى جۇمىستار جۇرگىزىلۋدە. «اۋىل – ەل بەسىگى» جوباسى اياسىندا جالپى 3,1 ملرد. تەڭگەگە 102 شاقىرىم جول سالىنىپ، ورتاشا جوندەۋ جۇرگىزىلەدى. جالپى بۇل جۇمىستارعا بيىل بيۋدجەتتەن 16,4 ملرد. تەڭگە ءبولىندى»، - دەدى س.ترۇموۆ.
سونداي-اق، ماڭعىستاۋدا اۋە جولى ارقىلى ساپالى ءارى قولجەتىمدى قىزمەت كورسەتۋ ماقساتىندا ۇكىمەتتىڭ قولداۋىمەن بيىل 4 حالىقارالىق جاڭا اۋە رەيسى اشىلدى. ولار «اقتاۋ-ۇرگەنىش»، «اقتاۋ-گورگان»، «اقتاۋ – راس ەل حايم» ء(باا) جانە «اقتاۋ-نوكىس» باعىتتارى.
ماڭعىستاۋ ءوڭىرى – ينۆەستيتسيا كوزدەرىن تارتۋ بويىنشا ۇزدىك ايماقتار قاتارىندا. جۇيەلى جۇمىستىڭ ناتيجەسىندە وبلىسقا تارتىلعان ينۆەستيتسيا كولەمى 5 ايدا 12,9%-عا ارتىپ، 216,1 ملرد. تەڭگەنى قۇرادى. بيىل وبلىستا 270 ملرد. تەڭگەگە جۋىق قارجىعا 20 ينۆەستيتسيالىق جوبانى ىسكە اسىرۋ جوسپارلانىپ وتىر. وسى ارقىلى 2600 ادامدى جۇمىسپەن قامتۋ كوزدەلگەن.
«وڭىرگە ينۆەستيتسيا تارتۋدا ارنايى ەكونوميكالىق ايماعىنىڭ ۇلەسى زور. ارنايى ەكونوميكالىق ايماعى اشىلعالى 200 ملرد. تەڭگەدەن استام ينۆەستيتسيا تارتىلدى. بۇگىندە بۇل ايماقتا 19 ءوندىرىس وشاعى جۇمىس ىستەپ تۇر. وندا 1800-گە تارتا ادام ەڭبەك ەتۋدە. الداعى ۋاقىتتا شەتەلدىك جانە وتاندىق ينۆەستورلاردىڭ قاتىسۋىمەن تاعى 14 جوبانى جۇسەگە اسىرۋ جوسپارلانىپ وتىر، ونىڭ ىشىندە 5 جوبا وسى جىلعا جوسپارلانعان. مەملەكەت باسشىسىنىڭ ارنايى ەكونوميكالىق ايماعىنىڭ تيىمدىلىگى مەن تولىمدىلىعىن قامتاماسىز ەتۋ بويىنشا تاپسىرماسىنا سايكەس ساپالى جوبالاردى جۇزەگە اسىرۋ جۇمىستارى جالعاسۋدا»، - دەدى س. ترۇموۆ.
"ادىرنا" ۇلتتىق پورتالى.
