Búgin QR Úkimetiniń otyrysynda óńirlerdiń 5 aıdaǵy áleýmettik ekonomıkalyq damý kórsetkishi jarııalandy. Mańǵystaý oblysy óte jaqsy kórsetkishke ıe boldy. Óńdeý, aýylsharýashylyǵy, qurylys, turǵynúı berý, saýda, kólik, jeke ınvestıııa ıaǵnı ekonomıkanyń barlyq 7 baǵyty boıynsha oń ósimge qol jetkizdi dep habarlaıdy "Adyrna" ulttyq portaly Mańǵystaý oblysy ákiminiń baspasóz qyzmetine silteme jasap.
Atap aıtsaq, bıylǵy jyldyń bes aıynda oblysta óńdeý ónerkásibiniń kólemi – 104,5%, negizgi kapıtalǵa salynǵan ınvestıııa – 115,1%, aýyl sharýashylyǵy óniminiń kólemi – 103%, qurylys jumystarynyń kólemi – 109,1%, turǵyn úıdi iske qosý qarqyny – 106,3%, saýda salasy – 102,7%, kólik jáne logıstıka – 108,1% deńgeıinde qamtamasyz etilip, oń ósimge qol jetkizilgen.
Bul týraly Mańǵystaý oblysynyń ákimi Serikbaı Trumov Ortalyq kommýnıkaııalar ortalyǵynda ótken brıfıngte málimdedi.
Onyń aıtýynsha, jyl basynan beri oblysta óńdeý ónerkásibin damytý salasyndaǵy óndiris kólemi 4,5%-ǵa artyp, 63,5 mlrd teńgeni quraǵan.
«Oblysta mıneraldy tyńaıtqyshtar, bıtým jáne munaı ónimderin óndirý kólemi ósken. Máselen Aqtaýdaǵy «Kaspıı bıtým» zaýyty 5 aıda jalpy elimizde óndirilgen jol bıtýmynyń 48 paıyzdy qamtyp otyr», -dedi S.Trumov.
Mańǵystaý oblysy ákiminiń aıtýynsha, bıyl bul salada jalpy quny – 21,7 mlrd teńge bolatyn 8 jańa joba iske asyrylýda. Nátıjesinde jańadan 200-den astam jumys ornyn qurý josparlanyp otyr.
Sondaı-aq bıyl Mańǵystaýda 245 shaqyrymdy qamtıtyn oblystyq jáne aýdandyq mańyzdaǵy 17 joba iske asyrylyp jatyr. Onyń ishinde jyldar boıy jóndeý kórmeı, tozyǵy jetken «Quryq-Jetibaı» avtojoly kúrdeli jóndeýden ótkizilýde. 69 shaqyrym jol talapqa saı etip qaıta salynady.
«Mańǵystaý oblysynyń týrıstik klasterin damytý maqsatynda Aqtaý áýejaıynan jyly jaǵajaıǵa deıingi 30 shaqyrymdy qamtıtyn avtojoldy qaıta jańartý jumystary bastaldy. Budan bólek, bıyl aýylishilik joldaryn jańartý baǵytynda da qarqyndy jumystar júrgizilýde. «Aýyl – El besigi» jobasy aıasynda jalpy 3,1 mlrd. teńgege 102 shaqyrym jol salynyp, ortasha jóndeý júrgiziledi. Jalpy bul jumystarǵa bıyl bıýdjetten 16,4 mlrd. teńge bólindi», - dedi S.Trumov.
Sondaı-aq, Mańǵystaýda áýe joly arqyly sapaly ári qoljetimdi qyzmet kórsetý maqsatynda Úkimettiń qoldaýymen bıyl 4 halyqaralyq jańa áýe reısi ashyldy. Olar «Aqtaý-Úrgenish», «Aqtaý-Gorgan», «Aqtaý – Ras El Haım» (BAÁ) jáne «Aqtaý-Nókis» baǵyttary.
Mańǵystaý óńiri – ınvestıııa kózderin tartý boıynsha úzdik aımaqtar qatarynda. Júıeli jumystyń nátıjesinde oblysqa tartylǵan ınvestıııa kólemi 5 aıda 12,9%-ǵa artyp, 216,1 mlrd. teńgeni qurady. Bıyl oblysta 270 mlrd. teńgege jýyq qarjyǵa 20 ınvestıııalyq jobany iske asyrý josparlanyp otyr. Osy arqyly 2600 adamdy jumyspen qamtý kózdelgen.
«Óńirge ınvestıııa tartýda arnaıy ekonomıkalyq aımaǵynyń úlesi zor. Arnaıy ekonomıkalyq aımaǵy ashylǵaly 200 mlrd. teńgeden astam ınvestıııa tartyldy. Búginde bul aımaqta 19 óndiris oshaǵy jumys istep tur. Onda 1800-ge tarta adam eńbek etýde. Aldaǵy ýaqytta sheteldik jáne otandyq ınvestorlardyń qatysýymen taǵy 14 jobany júsege asyrý josparlanyp otyr, onyń ishinde 5 joba osy jylǵa josparlanǵan. Memleket basshysynyń arnaıy ekonomıkalyq aımaǵynyń tıimdiligi men tolymdylyǵyn qamtamasyz etý boıynsha tapsyrmasyna sáıkes sapaly jobalardy júzege asyrý jumystary jalǵasýda», - dedi S. Trumov.
"Adyrna" ulttyq portaly.
