قىرعىزستاننىڭ حالىق جازۋشىسى شىڭعىس ايتماتوۆتىڭ قابىرىن بەلگىسىز بىرەۋلەر ءبۇلدىرىپ، تۇندىگىن الىپ كەتكەن. بۇل تۋرالى تەلەجۇرگىزۋشى اسسول مولدوكماتوۆا جازدى، دەپ حابارلايدى «ادىرنا» ءتىلشىسى.
«جازۋشىنىڭ ۇلى كاسىبي ماماندارمەن اقىلداسا وتىرىپ، بىرىڭعاي ساۋلەت ءانسامبلىن مۇقيات ويلاستىردى. بارلىعى اسقار شىڭعىسۇلىنىڭ جەكە قاراجاتىنا قۇرىلدى. ول اكەسى تۋرالى ەستەلىككە قۇرمەتپەن جانە مۇقيات قارايدى. ءبىز كەشىرىپ سۇراپ، تەز ارادا تۇندىكتى قالپىنا كەلتىرۋىمىز كەرەك", - دەدى ول.
شىڭعىس تورەقۇلۇلى ايتماتوۆ – جازۋشى، قوعام جانە مەملەكەت قايراتكەرى. شىڭعىس ايتماتوۆتىڭ بۇكىل شىعارماشىلىعى مەن ءومىرى باستان-اياق قازاق حالقىمەن تىعىز بايلانىستى بولدى. سوناۋ «ءجاميلادان» باستاپ، الەمگە تانىمال «قوش بول، گۇلسارى»، «اق كەمە»، «عاسىردان دا ۇزاق كۇن»، «جانپيدا» سياقتى بارلىق شىعارمالارىنداعى كوركەم وبرازدارىنىڭ رۋحى مەن مىنەزى حالقىمىزعا وتە-موتە جاقىن ەدى.
«ادىرنا» ۇلتتىق پورتالى