الماتى وبلىسىندا 242 ۇمىتكەر ساياسي دودادا باق سىناۋدا

2491
Adyrna.kz Telegram

ەل تاريحىندا تۇڭعىش رەت اۋىلدىق وكرۋگ اكىمدەرىن بۇقارا سايلايتىن بولادى. ەلدى قۋانتقان اقجولتاي حاباردىڭ تاراعانى سول ەكەن، ساياسي باسەكەدە باق سىناۋشىلاردا ءوز جۇمىستارىنا كىرىستى. كۇنى كەشە ۇمىتكەرلەر ىرىكتەلىپ، الامانعا تۇسەر جۇيرىكتەر جۇيىتكەي ءتۇستى.

ۇزىن-سانى 279 ۇمىتكەردىڭ 242-ءى باستى دوداعا قاتىساتىن بولادى. 29 تۇلعانىڭ كانديداتۋراسى ءتۇرلى سەبەپتەرمەن الىنىپ تاستالعان. ناقىتلايتىن بولساق، 17 ۇمىتكەر تالاپتارعا ساي كەلمەگەن، ال 12-ءى ءوز كانديداتۋراسىن الىپ تاستاسا، 1 ۇمىتكەر تىركەۋدەن الۋ تۋرالى ءوتىنىش بىلدىرگەن.

«اقتىق مارەگە جەتەمىن دەگەن ساياسي تۇلعالاردىڭ ىشىندەگى باسەكە باسەڭدەمەك ەمەس. بۇگىنگى كۇنى ورتاشا باسەكەلەستىك-3,9 قۇراپ وتىر. بارلىق وكرۋگتەردەگى ۇمىتكەرلەردىڭ سانى 3-تەن كوپ»،-دەپ اتاپ ءوتتى الماتى وبلىسى سايلاۋ كوميسسياسىنىڭ مۇشەسى قاھارمان جاقسىلىق.

ايتا كەتەيىك، رەسپۋبليكالىق بيۋدجەتتەن ءاربىر ۇمىتكەرگە 220 مىڭ تەڭگە قارجى بولىنەدى. بۇل قاراجات ۇگىت-ناسيحات جۇمىستارىن جۇرگىزۋگە باعىتتالاتىن بولادى.

ساياسي پارتيا وكىلدەرى دە ايتۋلى دودادان شەت قالماق ەمەس. «Nur Otan» پارتياسى - 57, «اۋىل» حدپپ - 7, «اق جول» قدپ - 1, «اDAL» سپ - 13, قحپ - 12, جسدپ - 3 ۇمىتكەرى سايلاۋعا تۇسپەك.

ايتا كەتۋ كرەەك، جەرگىلىكتى اتقارۋشى ورگاندارى ۇگىت-ناسيحات جۇمىستارى باستالعانعا دەيىن ۇگىت ماتەريالدارىن ورنالاستىرۋعا ارنالعان ورىنداردى دايىندادى.
ۇمىتكەرلەردىڭ سايلاۋ الدىنداعى ۇگىت-ناسيحات جۇمىستارى:
- بارلىق بۇقارالىق اقپارات قۇرالدارى ارقىلى جۇزەگە اسىرا الادى (تەلەديدار، راديو، باسپا باق-تارى،ينتەرنەت باسىلىمدارى، الەۋمەتتىك جەلىلەر);
- سايلاۋ الدىنداعى جاريا ءىس-شارالاردى جانە كانديداتتار مەن ولاردىڭ سەنىم بىلدىرگەن ادامدارىنىڭ سايلاۋشىلارمەن جەكە كەزدەسۋلەرىن وتكىزۋ;
- باسپا، دىبىس-بەينە جانە وزگە دە ۇگىت ماتەريالدارىن شىعارۋ جانە تاراتۋ ارقىلى جۇزەگە اسىرىلادى.
سونداي-اق اۋداندىق ماڭىزى بار قالا، اۋىل، كەنت، اۋىلدىق وكرۋگ اكىمدىگىنە ۇمىتكەر ءوزىنىڭ بولاشاق قىزمەتىنىڭ سايلاۋ الدىنداعى باعدارلاماسىمەن تانىستىرادى.

اتالعان تالاپتار بۇزىلعان جاعدايدا ءتيىستى سايلاۋ كوميسسياسى ۇمىتكەرگە پارتيالىق ءتىزىمدى تىركەۋدەن باس تارتۋعا، ال ۇمىتكەر تىركەلگەننەن كەيىن مۇنداي سايلاۋ الدىنداعى باعدارلامانى ۇسىنعان جاعدايدا وندا ۇمىتكەردى تىركەۋ تۋرالى شەشىمنىڭ كۇشىن جويۋعا قۇقىلى.

پىكىرلەر