El tarıhynda tuńǵysh ret aýyldyq okrýg ákimderin buqara saılaıtyn bolady. Eldi qýantqan aqjoltaı habardyń taraǵany sol eken, saıası básekede baq synaýshylarda óz jumystaryna kiristi. Kúni keshe úmitkerler iriktelip, alamanǵa túser júırikter júıitkeı tústi.
Uzyn-sany 279 úmitkerdiń 242-i basty dodaǵa qatysatyn bolady. 29 tulǵanyń kandıdatýrasy túrli sebeptermen alynyp tastalǵan. Naqytlaıtyn bolsaq, 17 úmitker talaptarǵa saı kelmegen, al 12-i óz kandıdatýrasyn alyp tastasa, 1 úmitker tirkeýden alý týraly ótinish bildirgen.
«Aqtyq márege jetemin degen saıası tulǵalardyń ishindegi báseke báseńdemek emes. Búgingi kúni ortasha básekelestik-3,9 qurap otyr. Barlyq okrýgterdegi úmitkerlerdiń sany 3-ten kóp»,-dep atap ótti Almaty oblysy saılaý komıssııasynyń múshesi Qaharman Jaqsylyq.
Aıta keteıik, respýblıkalyq bıýdjetten árbir úmitkerge 220 myń teńge qarjy bólinedi. Bul qarajat úgit-nasıhat jumystaryn júrgizýge baǵyttalatyn bolady.
Saıası partııa ókilderi de aıtýly dodadan shet qalmaq emes. «Nur Otan» partııasy - 57, «Aýyl» HDPP - 7, «Aq Jol» QDP - 1, «ADAL» SP - 13, QHP - 12, JSDP - 3 úmitkeri saılaýǵa túspek.
Aıta ketý kreek, jergilikti atqarýshy organdary úgit-nasıhat jumystary bastalǵanǵa deıin úgit materıaldaryn ornalastyrýǵa arnalǵan oryndardy daıyndady.
Úmitkerlerdiń saılaý aldyndaǵy úgit-nasıhat jumystary:
- barlyq buqaralyq aqparat quraldary arqyly júzege asyra alady (teledıdar, radıo, baspa BAQ-tary,ınternet basylymdary, áleýmettik jeliler);
- saılaý aldyndaǵy jarııa is-sharalardy jáne kandıdattar men olardyń senim bildirgen adamdarynyń saılaýshylarmen jeke kezdesýlerin ótkizý;
- baspa, dybys-beıne jáne ózge de úgit materıaldaryn shyǵarý jáne taratý arqyly júzege asyrylady.
Sondaı-aq aýdandyq mańyzy bar qala, aýyl, kent, aýyldyq okrýg ákimdigine ÚMITKER óziniń bolashaq qyzmetiniń saılaý aldyndaǵy baǵdarlamasymen tanystyrady.
Atalǵan talaptar buzylǵan jaǵdaıda tıisti saılaý komıssııasy úmitkerge partııalyq tizimdi tirkeýden bas tartýǵa, al úmitker tirkelgennen keıin mundaı saılaý aldyndaǵy baǵdarlamany usynǵan jaǵdaıda onda úmitkerdi tirkeý týraly sheshimniń kúshin joıýǵa quqyly.
