تۇركىمەنستاندا مۇعالىم 19 جاستاعى قىزدى ءولتىردى دەگەن كۇدىككە ءىلىندى، دەپ حابارلايدى «ادىرنا» ۇلتتىق پورتالى كتك ارناسىنا سىلتەمە جاساپ.
تاۋەلسىز Turkmen.news باسىلىمى 12 شىلدەدە داشوگۋز قالاسىندا 19 جاستاعى قىزدى كورشىسى ولتىرگەنىن جازدى. بۇل مالىمەتتى ازاتتىقتىڭ تۇركىمەن قىزمەتىنىڭ داشوگۋزداعى ءتىلشىسى دە راستادى. اقپاراتقا قاراعاندا، قىزدى ولتىرۋگە داشوگۋز قالاسىنىڭ №6 مەكتەبىنىڭ دەنە شىنىقتىرۋ ءپانى مۇعالىمى كۇدىككە ىلىنگەن. ول كورشىسىنىڭ ۇيىنە ۇرلىق جاساماق بولعان. ۇيدە مەدينستيتۋتتىڭ 1-كۋرسىن اياقتاپ، دەمالۋعا كەلگەن قىزى بولعان.
كۇدىكتى ۇرلىق جاساۋ كەزىندە قىزدى كورىپ قالىپ، ونى بالتامەن ۇرعان. پوليتسيا كۇدىكتىنى قاماۋعا العان. ول كورشىسىنىڭ ۇيىنەن سەيف ۇرلاماق بولعان. قىزدى ولتىرگەنىن مويىنداعان.
"ادىرنا" ۇلتتىق پورتالى
