اكىم سايلاۋى: ساياسي باسەكەنىڭ ءباسى جوعارى

2130
Adyrna.kz Telegram

بيلىكتىڭ شوقپارىن بەلىنە بايلاماققا نيەتتى جاس پەن جاسامىس اتالعان دودادان توپ جارماققا قۇلىق تانىتۋدا. بۇگىنگى كۇنى ەڭ جاس ۇمىتكەردىڭ جاسى 25-تە بولسا، ۇلكەنى 62 جاستا.
قازىرگى تاڭدا 279 ۇمىتكەر ءوز كانديداتۋراسىن ۇسىنعان. ايتا كەتەيىك، ءتۇرلى سەبەپتەر بويىنشا 23 ۇمىتكەر الىنىپ تاستالدى، ونىڭ ىشىندە 16-ى تالاپتارعا سايكەس كەلمەيدى، 7-ءى ءوز كانديداتۋراسىن الىپ تاستاۋ تۋرالى وتىنىشتەر بويىنشا شىعارىلدى.
كانديدات ءوز قاراجاتىنان جاو شوتىنا اي سايىنعى ەسەپتىك كورسەتكىشكە سايكەس سايلاۋ جارناسىن ەنگىزەدى، 42500 تەڭگە. كانديدات پەن ونىڭ زايىبى (جۇبايى) تىركەلگەنگە دەيىن تۇرعىلىقتى جەرى بويىنشا مەملەكەتتىك كىرىس ورگاندارىنا اكتيۆتەرى مەن مىندەتتەمەلەرى تۋرالى دەكلاراتسيانى ۇسىنادى(،-دەيدى الماتى وبلىسى سايلاۋ كوميسسياسىنىڭ مۇشەسى قاھارمان جاقسىلىق.
سايلاۋ الدىنداعى ۇگىت تىركەۋ اياقتالعان كۇننەن باستالادى جانە سايلاۋ بولاتىن كۇننىڭ الدىنداعى كۇنگى جەرگىلىكتى ۋاقىت بويىنشا ءنول ساعاتتا اياقتالادى. 14 شىلدە ساعات 18.00-دەن كەيىن باستالىپ، 2021 جىلعى 24 شىلدە ساعات 00-دە اياقتالادى.
رەسپۋبليكالىق بيۋدجەتتەن ءاربىر كانديداتقا ۇگىتتەۋگە 220000 تەڭگە مولشەرىندە قارجى بولىنەدى. بۇل سوما باق-تا جاريالاۋ، ۇگىت ماتەريالدارىن شىعارۋ، كولىك شىعىندارى ءۇشىن جۇمسالاتىن بولادى.
سونداي-اق سايلاۋ ناۋقانىنا قاتىساتىن سايلاۋ كوميسسيالارى مۇشەلەرىنىڭ 1143-ءى ۆاكتسيناتسيالاۋدان ءوتتى، ۆاكتسيناتسيالاۋعا جاتپايتىنى – 241, جالپى پايىزى 94,7, ۆاكتسيناتسيالاۋعا جاتاتىن مۇشەلەر سانى 71 ادام.
داۋىس بەرۋ كۇنى سايلاۋ ۋچاسكەلەرىندە سانيتاريالىق-ەپيدەميولوگيالىق نورمالاردىڭ ساقتالۋىن قامتاماسىز ەتۋ قر دەنساۋلىق ساقتاۋ مينيسترلىگىنىڭ ۇسىنىمدارىنا سايكەس پىسىقتالاتىن بولادى.
سونداي-اق، سايلاۋ وتەتىن كۇنى سەنىم بىلدىرىلگەن ادامدار، بايقاۋشىلار مەن باق وكىلدەرى ۆاكتسيناتسيا پاسپورتىن نەمەسە تاپسىرعان كۇنىنەن باستاپ 3 تاۋلىكتەن اسپايتىن ۋاقىت وتكەن پتر ادىسىمەن COVID-19-عا تەستىڭ تەرىس ناتيجەسىن ۋچاسكەلىك سايلاۋ كوميسسياسىنا كورسەتەدى. جوعارىدا كورسەتىلگەن قۇجاتتار بولماعان جاعدايدا سايلاۋ ۋچاسكەسىنە جىبەرىلمەيتىن بولادى.

پىكىرلەر