اۋىل اكىمدەرىن سايلاۋ – حالىق قالاۋى - التاي تايجانوۆ

630
فوتو: avestnik.kz
فوتو: avestnik.kz

مارات وسپانوۆ اتىنداعى باتىس قازاقستان مەديتسينا ۋنيۆەرسيتەتى قوعامدىق-گۋمانيتارلىق ءتارتىپ كافەدراسىنىڭ مەڭگەرۋشىسى، وبلىستىق قوعامدىق كەڭەس مۇشەسى التاي تايجانوۆ اۋىل اكىمىن سايلاۋ، جاڭا رەفورما جونىندە ءوز پىكىرىن ءبىلدىردى، دەپ  قازاقپارات-قا سىلتەمە جاساي وتىرىپ "ادىرنا" ۇلتتىق پورتالى حابارلايدى.

فيلوسوفيا عىلىمدارىنىڭ دوكتورى، پروفەسسور التاي تايجانوۆ اۋىل اكىمىن سايلاۋ اۋىل ومىرىنە وزگەرىس اكەلەدى دەپ ەسەپتەيدى.

«بۇل حالىقتىڭ ءۇنى، تىلەگى، ءتىپتى تالابى دەپ ايتساق بولادى. اكىمدەر پرەزيدەنتتىڭ جەرگىلىكتى جەردەگى وكىلى ەكەنى بەلگىلى. «تومەننەن باستاپ جوعارى قاراي قارايىق. ايتپەسە قيىندىق، قاتەلىك بولار» دەگەن ويمەن اۋدان ەمەس، اۋىل اكىمدەرىنەن باستاپ سايلاۋ قولعا الىندى. ءارى قاراي جوعارىلاي بەرۋى مۇمكىن. جەكە پىكىرىم، جالپى اكىمدى حالىقتىڭ سايلاپ قويۋى دۇرىس. سەبەبى بىرەۋدى بىرەۋ تاعايىنداپ قوياتىن بولسا، ول سول ادامعا تاۋەلدى. حالىق سايلاپ قوياتىن بولسا، ول حالىقتىڭ اتىنان سويلەي الادى. حالىققا ەشكىم تاۋەلدى ەمەس، حالىققا قىزمەت ەتەسىڭ. ءمان-ماڭىزى وسىندا. اسىرەسە ەل اراسىنداعى ءتۇرلى پىكىر، ويدىڭ ەركىن ايتىلۋى، الەۋمەتتىك جەلىدەگى جازبا، بيلىك پەن حالىق اراسىنداعى الشاقتىق بىلىنگەن كەزدە مۇنىڭ ءمانى زور دەپ ەسەپتەيمىن. بۇل حالىقتىڭ ويانۋى. اكىمدى حالىق سايلاسا، حالىق اراسىندا جۇرەتىن بولسا، ول ويانعان، ويانعىسى كەلىپ جۇرگەن حالىققا قىزمەت جاساي الادى»،- دەدى ول.

اۋىل اكىمىنە ۇمىتكەرلەر ءوز باعدارلامالارىنا الەۋمەتتىك ماسەلەلەردىڭ شەشىمىن ۇسىندى. التاي تايجانوۆتىڭ ايتۋىنشا، مۇنى جەتكىزۋ، ىسكە اسىرۋ كەز كەلگەننىڭ قولىنان كەلمەيدى.

«الۋان-الۋان جۇيرىك بار، الىنە قاراي شابادى. اۋىل، ءتىپتى اۋدان اكىمى ءوزى جول سالا المايدى. ول ءۇشىن بيۋدجەتتەن قارجى قاراستىرىلۋى كەرەك. ال قارجى ءبولۋ ءۇشىن سول مەكەننىڭ اقساپ تۇرعان تۇسىن، ناقتى ءتۇسىندىرىپ، ايتۋ كەرەك. وبلىس اكىمى قولداپ، ءماسليحاتتا بەكىتىلۋى ءتيىس. اۋىلدان سايلانعان، حالىق تاڭداعان ادام ءىس قىلام دەسە جوعارى وتىرعاندار قولدايدى دەپ ەسەپتەيمىن. ال ونى تاعايىندايتىن بولسا، «ورنىڭا باسقا ادامدى قويامىن، ۇندەمەي وتىر» دەپ ايتۋى مۇمكىن. حالىق سايلاعان ادامنىڭ ارتىندا حالىق بار. جالتاقتاماي، ءوز ءبىلىمى مەن بىلىگىن وسى سالادا پايدالانا الادى»،- دەدى مارات وسپانوۆ اتىنداعى باتىس قازاقستان مەديتسينا ۋنيۆەرسيتەتى قوعامدىق-گۋمانيتارلىق ءتارتىپ كافەدراسىنىڭ مەڭگەرۋشىسى، وبلىستىق قوعامدىق كەڭەس مۇشەسى التاي تايجانوۆ.

ونىڭ سوزىنشە، سايلاۋدىڭ ادىلەتتى ءوتۋىن قامتاماسىز ەتۋ قاجەت. دۇرىس، ىسكەر ازامات اۋىلدى ورگە سۇيرەيدى. دۇرىس تاڭداۋ اۋىل تۇرعىندارىنىڭ سانالىلىعىن، بىلىكتىلىگى مەن پاراساتتىلىعىن كورسەتەدى.

«بىرەۋدىڭ جوعالعان تايلاعىن بىرەۋ ولەڭ ايتىپ ءجۇرىپ ىزدەيدى دەگەن بار. مەنىڭ ويىمشا اكىم سول اۋىلدان شىققان ادام بولۋى كەرەك. بالكىم ول قالادا تۇرىپ، اۋىلعا اكىم بولعان سوڭ كوشىپ، ۇلكەن ءىس تىندىرۋى مۇمكىن. مۇنداي ادامداردى قۇپتايمىن. ال اۋىل اكىمى قىزمەتىن ترامپلين رەتىندە قولدانىپ، جوعارى قىزمەتتەرگە كورسەتۋدى كوزدەسە، بۇرىس. قالادان اۋىلعا بارسا، «رۋحاني جاڭعىرۋ» باعدارلاماسىنىڭ ورىندالعانى. كورگەن، بىلگەنىن، ۇيرەنگەنىن اۋىلداستارىنا ارناسا، ودان ارتىعى جوق بولار ەدى»،- دەدى التاي تايجانوۆ.

اقپارات inform.kz سايتىنان الىندى

پىكىرلەر
ۇقساس جاڭالىقتار