بۇگىن 730 ەلدى مەكەننىڭ اكىمدەرى انىقتالادى

750
فوتو Egemen.kz سايتىنان الىندى
فوتو Egemen.kz سايتىنان الىندى

بۇگىن تاۋەلسىز ەلىمىزدىڭ تاريحىندا العاش رەت اۋىل، كەنت، اۋىلدىق وكرۋگ جانە اۋداندىق ماڭىزداعى قالا اكىمدەرىنىڭ سايلاۋى وتەدى، دەپ Egemen.kz-كە سىلتەمە جاساي وتىرىپ "ادىرنا" ۇلتتىق پورتالى حابارلايدى.
بۇگىن 730 ەلدى مەكەننىڭ اكىمى سونداعى تۇرعىنداردىڭ تىكەلەي داۋىس بەرۋى ارقىلى انىقتالماق.

2021 جىلدان باستاپ اۋىل اكىمدەرىنىڭ سايلاۋىن وتكىزۋ تۋرالى پرەزيدەنتتىڭ «جاڭا جاعدايداعى قازاقستان: ءىس-قيمىل كەزەڭى» اتتى جولداۋىندا تاپسىرما بەرىلگەن بولاتىن.

اۋماقتىق سايلاۋ كوميسسيالارىنىڭ مالىمەتى بويىنشا وسى 730 سايلاۋ وكرۋگىندە 2582 كانديدات ۇسىنىلعان. سولاردىڭ 2297-ءى تىركەۋدەن وتكەن. كانديداتتاردىڭ باسىم بولىگى – ءوز-ءوزىن ۇسىنۋشىلار. سايلاۋ تۋرالى زاڭناماعا ەنگىزىلگەن تولىقتىرۋلار مەن تۇزەتۋلەردىڭ ارقاسىندا اۋىل اكىمدەرىنىڭ سايلاۋىنا تۇسكىسى كەلەتىن ۇمىتكەرگە ءوز-ءوزىن ۇسىنۋ مۇمكىندىگى بەرىلگەن بولاتىن. وسى مۇمكىندىكتى بۇل جولعى سايلاۋدا 1419 ادام پايدالانىپ وتىر.

878 ۇمىتكەردى ادىلەت مينيسترلىگىنىڭ تىركەۋىندە بار 6 ساياسي پارتيا ۇسىنعان.

ەر ۇمىتكەرلەردىڭ سانى –1839. سولارمەن بىرگە 458 ايەل ۇمىتكەر باعىن سىناعالى وتىر.

داۋىس بەرۋ پروتسەسىنىڭ ءادىل ءوتۋىن «پارتيالىق ەمەس باقىلاۋشىلار ورتالىعى» رەسپۋبليكالىق قوعامدىق بىرلەستىگى قاداعالايتىن بولادى.

بۇگىنگى سايلاۋ 14 وبلىس بويىنشا 1847 سايلاۋ ۋچاسكەسىندە وتەدى.

اقپارات Egemen.kz سايتىنان الىندى

پىكىرلەر
ۇقساس جاڭالىقتار