شىمكەنت قالاسىنىڭ اكىمى مۇرات ايتەنوۆ قالانى كورىكتەندىرۋ جانە كۇتىپ-ۇستاۋ جۇمىستارىنىڭ بارىسىمەن تانىستى. شىمكەنت قالاسىنىڭ قالالىق جايلى ورتانى دامىتۋ باسقارماسىنىڭ جانە اۋدان اكىمدەرىنىڭ اتقارىلعان جۇمىستارى باياندالدى.
شىمكەنت قالاسىنىڭ قالالىق جايلى ورتانى دامىتۋ باسقارماسىنىڭ تەڭگەرىمىندە بۇگىندە 8 ساياباق، 39 گۇلزارلار مەن اللەيالار، 50 ەسكەرتكىش بار.
8 ساياباق، 39 گۇلزاردى كۇتىپ-ۇستاۋ جۇمىستارىنا جاۋاپتى مەردىگەر مەكەمە - «Build Stroy» جشس. ال 50 ەسكەرتكىشتى كۇتىپ-ۇستاۋ – مەردىگەر مەكەمە «مرامورگرانيتتاس» جشس-نا جۇكتەلگەن. 37 سۋبۇرقاق جانە 44 ۇڭعىمانى كۇتىپ-ۇستاۋ جۇمىستارىن مەردىگەر مەكەمە «Primer Stroi» جشس اتقارۋدا.
قازىرگى تاڭدا جالپى 3 مەكەنجايداعى سۋبۇرقاقتار، ياعني، اربات ساياباعىنداعى 7 سۋبۇرقاق، اسار شاعىناۋدانىندا 1 سۋبۇرقاق، اۋەجاي ماڭىندا 2 سۋبۇرقاق سۋ ايداعىش قۇرىلعىلارىنىڭ (ناسوس) بولماۋىنا بايلانىستى جۇمىس ىستەمەي تۇر.
اتالعان جاۋاپتى مەردىگەر مەكەمەلەر 8 ساياباق پەن 39 گۇلزاردىڭ اۋماعىندا سانيتارلىق-تازالىق جۇمىستارىن تۇراقتى تۇردە جۇرگىزىپ كەلەدى. سونىمەن بىرگە، كۇندەلىكتى كۇل-قوقىستان، قۋراعان اعاشتاردان، شوپتەردەن تازارتۋ، تاريحي-مادەني ەسكەرتكىشتەر اۋماعىن ءسۇرتىپ-تازالاۋ، سىنعان مرامور تاستارىن قالپىنا كەلتىرۋ جۇمىستارىن اتقارۋدا.
ايتا كەتەيىك، باسقارما تەڭگەرىمىنە سامال جانە قاسىرەت شاتقالى دا كىرەدى. ەكى شاتقالدىڭ ەلەكتر جارىعى وسى جىلدىڭ ماۋسىم ايىنىڭ باسىندا قايتا قوسىلدى.
قالا اكىمى شاhاردا كوگالداندىرۋ، كۇتىپ-ۇستاۋ جۇمىستارىن جۇيەلەۋ قاجەتتىگىن، بۇل باعىتتاعى جۇمىستاردى رەت-رەتىمەن جوسپارلى تۇردە اتقارۋ كەرەكتىگىن اتاپ ءوتتى.
اۋدان اكىمدىكتەرى ءاربىر شارشى مەتر اۋماقتىڭ كۇتىمىنە جاۋاپتى ەكەنىن العا تارتتى.
شىمكەنت قالاسى اكىمدىگىنىڭ ءباسپاسوز قىزمەتى
