شىمكەنتتە جەڭىل ونەركاسىپ ءوندىرىسىنىڭ كولەمى ارتۋدا

1422

شىمكەنتتە جىل باسىنان بەرى جەڭىل ونەركاسىپ ءوندىرىسىنىڭ كولەمى 11 621,5 ملن. تەڭگەنى قۇرادى. ول وتكەن جىلمەن سالىستىرعاندا 137,3% - عا ارتقان. سونداي-اق، قالا ونەركاسىبىنىڭ وندىرىلگەن ءونىمىنىڭ جالپى كولەمىندەگى جەڭىل ونەركاسىپتىڭ ۇلەسى 3,9% - دى قۇرايدى. ال رەسپۋبليكادا جەڭىل ونەركاسىپتىڭ ۇلەسى-20,9% - عا جەتەدى.

شىمكەنتتە جەڭىل ونەركاسىپ توقىما بۇيىمدارىن، كيىم-كەشەك، بىلعارى جانە وعان جاتاتىن ونىمدەر وندىرەتىن كاسىپورىندار كوپ. اتاپ ايتساق، «AZALA Textile» جشس، «ارايلى» جشس، «جىبەك.ن.م.» جشس، «گاۋحار» تىگىن فابريكاسى جشس، «اگف گرۋپپ» وندىرىستىك كومپانياسى» جشس، «ALATEX» جشس، «جاڭاتالاپ-مت» جشس، «KAZPLAST» جشس، «شابيتەكس» جشس، «AZALA Cotton» جشس، «الەم-بت» جشس، «حلوپكوپروم-تسەلليۋلوزا» جشس، «بال تەكستيل» جشس، «نازار تەكستيل» سىندى كاسىپورىندار قارقىندى جۇمىس جۇرگىزۋدە.

ال، توقىما ونەركاسىبىن دامىتۋ جانە ونىڭ باسەكەگە قابىلەتتىلىگىن ارتتىرۋ، وتاندىق ماقتانى تۇتىنۋ ۇلەسىن ۇلعايتۋ جانە قوسىلعان قۇنى جوعارى دايىن توقىما ءونىمىن شىعارۋ ءۇشىن 200 گەكتارعا «وڭتۇستىك» ارنايى ەكونوميكالىق ايماعى جۇمىس ىستەۋدە. «وڭتۇستىك» ارنايى ەكونوميكالىق ايماعىنىڭ ينۆەستيتسيالىق پورتفەلى جالپى قۇنى 86,1 ملرد.تەڭگە بولاتىن 44 جوبادان تۇرادى. بۇگىنگى تاڭدا 22 جوبا ىسكە اسىرىلىپ، 32,6 ملرد.تەڭگە سوماسىنا ينۆەستيتسيا تارتىلىپ، 2 282 جۇمىس ورنى قۇرىلعان.

ايتا كەتۋ كەرەك، «وڭتۇستىك» اەا قاتىسۋشى كاسىپورىندارى ىسكە قوسقان ساتتەن باستاپ 82,1 ملرد.تەڭگەگە ءونىم ءوندىرىپ، ءونىمنىڭ جارتىسىنان كوبى 45,1 ملرد. تەڭگەگە جاقىن جانە الىس 22 ەلگە ەكسپورتتالدى.

شىمكەنت قالاسى اكىمدىگىنىڭ ءباسپاسوز قىزمەتى

پىكىرلەر
رەداكتسيا تاڭداۋى