شىمكەنت قالاسىنىڭ اكىمى مۇرات ايتەنوۆ قايتا جاڭعىرتۋدان وتكەن اباي اتىنداعى قالالىق ورتالىق كىتاپحاناسىنىڭ اشىلۋ سالتاناتىنا قاتىستى.
ءىس-شاراعا يۋنەسكو-نىڭ الماتىداعى كلاستەرلىك بيۋروسىنىڭ ديرەكتورى ك.پيكات تا ارنايى كەلدى.
قالا اكىمى كىتاپحانا اۋماعىنداعى وقۋ ايماقتارى، كىتاپ جانە وقىرماندار زالى، «Music and Art Community Space» زالىنىڭ جاڭا جۇمىس جۇيەسىمەن، كوفەحانا، سونداي–اق، «اباي» مۋرالىنىڭ جۇمىستارىمەن تانىستى.
اباي اتىنداعى قالالىق ورتالىق كىتاپحانادا 2021 جىلدىڭ مامىر ايىندا جاڭعىرتۋ جۇمىستارى باستالعان ەدى. جوندەۋ جۇمىستارى 19 ماۋسىم-قالا كۇنى مەرەكەسى قارساڭىندا اياقتالىپ، پايدالانۋعا بەرىلدى.
كىتاپحاناعا «اشىق» قوسىمشا جۇكتەمەسى ارقىلى كىرۋگە مۇمكىندىك بار.
بۇگىندە شىمكەنت قالاسىندا مادەنيەت نىساندارىندا جاڭعىرتۋ جۇمىستارى جۇرگىزىلۋدە.
شىمكەنت قالاسى اكىمدىگىنىڭ ءباسپاسوز قىزمەتى
