شىمكەنتتە قالا كۇنىنە وراي 52 ماڭىزدى مادەني ءىس-شارا وتەدى

1258

بۇگىن شىمكەنت قالالىق مادەنيەت، تىلدەردى دامىتۋ جانە ارحيۆتەر باسقارماسىنىڭ باسشىسى ەسەنوۆا حانزادا بۇقارالىق اقپارات قۇرالدارىنا ارنايى بريفينگ بەردى. جيىندا باسقارما باسشىسى 19 ماۋسىم – قالا كۇنىنە وراي وتكىزىلەتىن ءىس-شارالاردىڭ دايىندىق بارىسى جونىندە باياندادى.

مەرەكەلىك ءىس-شارالار 15-20 ماۋسىم كۇندەرى ارالىعىندا وتەدى. ءبىلىم، مادەنيەت، سپورت، دەنساۋلىق سالالارى بويىنشا 5 لوكاتسيادا 52 ءىس-شارا جانە تەاترلىق ساحنادا 2 – پرەمەرا، 22 - قويىلىم وتكىزۋ جوسپارلانۋدا. سونداي-اق ، شاھارعا مادەنيەت جانە سپورت مينيسترلىگىنە قاراستى ەلدەگى جەتەكشى تەاترلارى مەن فيلارمونيا ۇجىمدارى شاھارعا گاسترولدىك ءىس-ساپارمەن كەلەدى دەپ كۇتىلۋدە.

قالا كۇنىنە وراي اباي كىتاپحاناسى، ورتالىق بالالار كىتاپحاناسى جانە «شىم قالا» تاريحي-مادەني كەشەنى بارىسىندا 3 مۋزەي اشىلادى.

ايتا كەتەيىك 18, 19, 20 ماۋسىم كۇندەرى قاتارىنان ءۇش كۇندە تۇرعىندار مەن قوناقتار شىمكەنت قالاسىنداعى بارلىق تەاتردا قويىلىمداردى تەگىن تاماشالاي الادى. ءبىر اپتا وتەتىن ءىس-شارالار سانيتارلىق تالاپتاردى ساقتاي وتىرىپ، Ashyq قوسىمشاسىن ىسكە قوسۋ ارقىلى وتەدى.

شىمكەنت قالاسى اكىمدىگىنىڭ ءباسپاسوز قىزمەتى

پىكىرلەر
رەداكتسيا تاڭداۋى