شىمكەنت قالاسىندا ورنالاسقان ترانسفورماتور زاۋىتى – ورتالىق ازياداعى ەڭ ءىرى كاسىپورىنداردىڭ ءبىرى. زاۋىت قازاقستان رەسپۋبليكاسى يندۋستريالىق-يننوۆاتسيالىق دامىتۋدىڭ 2015-2019 جىلدارعا ارنالعان مەملەكەتتىك باعدارلاما اياسىندا ىسكە قوسىلعان. بۇل كۇندە ەلەكتروتەحنيكالىق كومپانيانىڭ قۇرامىندا ەلەكتروەنەرگەتيكا، ەلەكتروماشينا قۇرىلىسى جانە قۇرىلىس سالاسىن جۇرگىزەتىن 30-دان اسا كاسىپورىندار مەن زاۋىتتارى بار.
كاسىپورىن كەرنەۋى 110 كۆ-دان 500 كۆ-عا دەيىنگى اۆتوترانسفورماتورلار جانە كۇشتى ماي ترانسفورماتورلار، سونىمەن قاتار رەاكتورلار ءونىمىن شىعارادى. زاۋىتتىڭ جوبالىق قۋاتتىلىعى جىلىنا 12 مىڭ مۆا-دان جوعارى جانە 120 ترانسفورماتور شىعارۋعا قاۋقارلى.
سونداي-اق، كاسىپورىن وتاندىق قۇرىلىس ماتەريالدارىن پايدالانادى، تەك زاۋىت ىشىندەگى ارنايى قوندىرعىلار عانا ۋكراينا جانە ت.ب. ەلدەردەن كەلەدى. قازىرگى ۋاقىتتا كاسىپورىن وندىرىلگەن ونىمدەرىن ىشكى نارىققا عانا ەمەس، رەسەيگە، وزبەكستانعا، تاجىكستانعا، تۇركىمەنستانعا، قىرعىزستانعا، يرانعا، اۋعانستانعا ەكسپورتتالادى.
ايتا كەتەيىك كاسىپورىن 500-دەن استام قالا تۇرعىنىن جۇمىسپەن قامتىپ وتىر.
شىمكەنت قالاسى اكىمدىگىنىڭ ءباسپاسوز قىزمەتى
