قر پرەمەر-ءمينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا ەلىمىزدىڭ 2021 جىلعى قاڭتار-مامىرداعى الەۋمەتتىك-ەكونوميكالىق دامۋىنىڭ قورىتىندىلارى جاريا ەتىلدى.
ۇلتتىق ەكونوميكا ءمينيسترى اسەر ەرعاليەۆ قازاقستان ەكونوميكاسى وڭ ءوسىم كورسەتىپ وتىرعانىن اتاپ ءوتتى.
اسەت ارمانۇلىنىڭ ايتۋىنشا، قۇرىلىس سەكتورىندا جوعارى ءوسىم بايقالدى. اتقارىلعان قۇرىلىس جۇمىستارىنىڭ كولەمى 11,3 پايىزعا ۇلعايعان. بۇل رەتتە شىمكەنت قالاسىندا قۇرىلىس 15,3 پايىزعا ارتقان.
بيىلعى قاڭتار-ءساۋىر ايلارىنىڭ قورىتىندىسى بويىنشا رەسپۋبليكادا 4,6 ملن شارشى مەتر (12,5 پايىزعا ارتتى) پايدالانۋعا بەرىلدى. ەڭ جوعارعى ءوسىم شىمكەنت قالاسى، اتىراۋ جانە پاۆلودار وبلىستارىنا تيەسىلى.
شىمكەنت قالاسىندا تۇرعىن ءۇيدى پايدالانۋعا بەرۋ كورسەتكىشى وتكەن جىلدىڭ ءتيىستى كەزەڭىمەن سالىستىرعاندا 70,9 پايىزعا ارتقان.
ال قاڭتار-مامىر ايلارىنىڭ قورىتىندىلارى بويىنشا ماڭعىستاۋ وبلىسى مەن شىمكەنت قالاسى بارلىق 7 نەگىزگى ماكروكورسەتكىشتەر بويىنشا الەۋمەتتىك-ەكونوميكالىق دامۋ ءوسىمىن قامتاماسىز ەتتى. ياعني، ءۇشىنشى مەگاپوليستە قايتا وڭدەۋ، اۋىلشارۋاشىلىعى، قۇرىلىس، تۇرعىن ءۇيدى پايدالانۋعا بەرۋ، ساۋدا، كولىك جانە جەكە ينۆەستيتسيا سالالارىندا جوعارى ءوسىم بار.
ۇكىمەت باسشىسى وڭىرلەردىڭ اكىمدىكتەرىنە مەملەكەتتىك ورگاندارمەن بىرلەسىپ، الەۋمەتتىك ماڭىزى بار ازىق-تۇلىك تاۋارلارىنىڭ باعاسىن تۇراقتاندىرۋ، ازىق-تۇلىك ونىمدەرىن ءوندىرۋدى ىنتالاندىرۋ جانە ىشكى نارىقتى تولىقتىرۋ بويىنشا پارمەندى شارالار قابىلداۋدى تاپسىردى.
شىمكەنت قالاسى اكىمدىگىنىڭ ءباسپاسوز قىزمەتى
