QR Premer-Mınıstri Asqar Mamınniń tóraǵalyǵymen ótken Úkimet otyrysynda elimizdiń 2021 jylǵy qańtar-mamyrdaǵy áleýmettik-ekonomıkalyq damýynyń qorytyndylary jarııa etildi.
Ulttyq ekonomıka mınıstri Áser Erǵalıev Qazaqstan ekonomıkasy oń ósim kórsetip otyrǵanyn atap ótti.
Áset Armanulynyń aıtýynsha, qurylys sektorynda joǵary ósim baıqaldy. Atqarylǵan qurylys jumystarynyń kólemi 11,3 paıyzǵa ulǵaıǵan. Bul rette Shymkent qalasynda qurylys 15,3 paıyzǵa artqan.
Bıylǵy qańtar-sáýir aılarynyń qorytyndysy boıynsha respýblıkada 4,6 mln sharshy metr (12,5 paıyzǵa artty) paıdalanýǵa berildi. Eń joǵarǵy ósim Shymkent qalasy, Atyraý jáne Pavlodar oblystaryna tıesili.
Shymkent qalasynda turǵyn úıdi paıdalanýǵa berý kórsetkishi ótken jyldyń tıisti kezeńimen salystyrǵanda 70,9 paıyzǵa artqan.
Al qańtar-mamyr aılarynyń qorytyndylary boıynsha Mańǵystaý oblysy men Shymkent qalasy barlyq 7 negizgi makrokórsetkishter boıynsha áleýmettik-ekonomıkalyq damý ósimin qamtamasyz etti. Iaǵnı, úshinshi megapolıste qaıta óńdeý, aýylsharýashylyǵy, qurylys, turǵyn úıdi paıdalanýǵa berý, saýda, kólik jáne jeke ınvestıııa salalarynda joǵary ósim bar.
Úkimet basshysy óńirlerdiń ákimdikterine memlekettik organdarmen birlesip, áleýmettik mańyzy bar azyq-túlik taýarlarynyń baǵasyn turaqtandyrý, azyq-túlik ónimderin óndirýdi yntalandyrý jáne ishki naryqty tolyqtyrý boıynsha pármendi sharalar qabyldaýdy tapsyrdy.
Shymkent qalasy ákimdiginiń baspasóz qyzmeti
