شىمكەنت قالاسىنداعى ماڭىزدى نىسانداردىڭ ءبىرى – رەسپۋبليكا داڭعىلى. بۇل - كولىك اعىنىنىڭ قارقىندىلىعىنا جانە قالانى وزگە ەلدى-مەكەندەرمەن بىرىكتىرەتىندىگىنە بايلانىستى قالامىزدىڭ باستى ماگيسترالدى كوشەسىنىڭ ءبىرى بولىپ تابىلادى.
اتالعان كوشە بويىنشا ورتاشا جوندەۋ جۇمىستارى 2020-2021 جىلدار ارالىعىنا جوسپارلانعان. شىمكەنت قالاسىنىڭ وڭتۇستىك قاقپاسى سانالاتىن بۇل داڭعىلدىڭ قۇرىلىس جۇمىستارى «كورپوراتسيا بەرەكە-ا» جشس-گىنە جۇكتەلگەن جانە تەحنيكالىق قاداعالاۋشى «ارمان ستروي حولدينگ» جشس-گى.
رەسپۋبليكا داڭعىلىنىڭ جالپى ۇزىندىعى ءتورت جولاقتى 5,3 شاقىرىمدى قۇراسا، ال جولدىڭ ەنى 28 مەتردى قۇرايدى. بۇگىندە كوشەنىڭ ءبولۋ جولاعىنىڭ ءبىر شەتىنە سۋ قاشىرعىش قۇبىرلار، ال ەكىنشى جاعىنا لوتوك ورناتىلىپ جاتىر. سونىمەن بىرگە، ەنى 2,25م جاياۋ جۇرگىنشىلەر جولى سالىنعان.
سونداي-اق، قۇبىر ۇستىنەن ب.مومىشۇلى كوشەسىنەن جەر استى وتكەلىنە («كولوس» ايالداماسىنا) دەيىن ۆەلوجول قاراستىرىلعان، اسفالت قۇبىر ارقىلى لوتوكقا باراتىنداي ەتىپ توسەلگەن. ايتا كەتۋ كەرەك، بۇل جۇيە بۇعان دەيىن ا.بايتۇرسىنوۆ كوشەسىندە تەكسەرىلگەن بولاتىن. جولدىڭ تومەڭگى تۇزەتۋ قالىڭدىعى 9سم، ال اسفالت بەتوننىڭ بەتكى قاباتى 5سم قۇرايدى.
بۇل جۇمىستاردى 2021 جىلدىڭ قىركۇيەك ايىندا اياقتاۋ جوسپارلانىپ وتىر.
شىمكەنت قالاسى اكىمدىگىنىڭ ءباسپاسوز قىزمەتى
