شىمكەنت قالاسىنىڭ اباي اۋدانىنداعى «مەتاللۋرگ» ستاديونىن قايتا قۇرۋ جانە كۇردەلى جوندەۋ جۇمىستارى جۇرگىزىلۋدە. 1980 جىلى پايدالانۋعا بەرىلگەن سپورت كەشەنىنىڭ توزىعى جەتكەن بولاتىن.
قالا اكىمى م. ايتەنوۆ اتالعان نىساننىڭ قۇرىلىس بارىسىن ارالاپ كوردى. ءبىرازدان بەرى جوسپاردا جۇرگەن قايتا قالپىنا كەلتىرۋ «جۇمىسپەن قامتۋدىڭ جول كارتاسى» باعدارلاماسى اياسىندا وتكەن جىلدىڭ مامىر ايىندا قولعا الىنعان.
مەردىگەر مەكەمە - «يۋگسترويسەرۆيس-ن» جشس-ى. قازىرگى تاڭدا قۇرىلىس-مونتاجداۋ جۇمىستارى بويىنشا سپورتشىلار ۇيىندە قابات ارالىق جابىن – 50%، 1504 ورىنعا ارنالعان تريبۋنا مەتاللدى قۇرىلىم مونتاجداۋ – 80%، سپورتزال جەر جۇمىستارى – 40 پايىزعا ورىندالدى.
قالا اكىمى جۇمىستىڭ بارلىق كەزەڭىندە ساپانى باستى نازاردا ۇستاۋ كەرەكتىگىن اتاپ ءوتتى.
شىمكەنت قالاسى اكىمدىگىنىڭ ءباسپاسوز قىزمەتى
****************************************************
