ۆەنگريا مەكتەپتە لگبت-نى ناسيحاتتاۋعا قارسى زاڭ قابىلدادى. بۇل ەۋروپا مەملەكەتتەرىنىڭ اراسىندا ۇلكەن داۋ تۋعىزىپ جاتىر. "ەگەر ۆەنگريا دەموكراتيالىق قۇندىلىقتار مەن تەڭدىكتى ۇستانباسا، وندا وعان ەو تاراپىنان جوبالارىن قارجىلاندىرۋ توقتاتىلۋى ءتيىس", - دەپ مالىمدەدى ەو كوميسسارى ەلەن داللي. داللي بۇعان دەيىن پولشانىڭ ءوزىن "لگبت-دان ازات ايماق" دەپ جاريالاعانىن دا ەسكە الىپ، ۆارشاۆاعا ەسكەرتۋ جاسادى.
ۆەنگريا پارلامەنتى بۋداپەشتە لگبت-نى ناسيحاتتاۋعا قارسى زاڭدى وپپوزيتسيا، باق جانە ۇكىمەتتىك ەمەس ۇيىمداردىڭ قىسىمىنا قاراماستان قابىلداپ جىبەرگەن ەدى. قۇجات وقۋ ورنىندا لگبت-نى ناسيحاتتاۋعا تىيىم سالادى، سونداي اق ءىرى ساۋدا ورتالىقتارىندا ولاردىڭ جارنامالارىن ىلۋگە رۇقسات ەتپەيدى. جوبانى ۆەنگريا پرەمەرى ۆيكتور ورباننىڭ پارتياسى جاساپ، پارلامەنتكە جىبەرگەن ەدى.
ۆەنگريا قابىلداعان زاڭدى ەۋروپانىڭ 13 مەملەكەتى ايىپتادى. ولاردىڭ ىشىندە بەلگيا، دانيا، ەستونيا، فينليانديا، فرانتسيا، گەرمانيا، يرلانديا، لاتۆيا، ليتۆا، ليۋكسەمبۋرگ، نيدەرلاندى، يسپانيا جانە شۆەتسيا بار. زاڭعا لگبت وكىلدەرى قارسىلىق ءبىلدىرىپ، ءتۇرلى ۇندەۋلەر جاساۋدا. ولار ەۋروپا ەلدەرى ۆەنگريانى قىسىمعا الىپ، ءتۇرلى ەكونوميكالىق سانكتسيالار سالۋىن سۇراۋدا.
ۆەنگريا لگبت وكىلدەرىنە قارسى ەمەسپىز، الايدا بالانىڭ ميىن ۋلاۋعا قارسىمىز دەيدى. ادام 18 جاستان اسقان سوڭ عانا ءوز ەركى بويىنشا تاڭداۋ جاساۋى ءتيىس، وعان دەيىن ونى ءتۇرلى ناسيحاتپەن ۋلاۋ قاتەلىك دەيدى زاڭدى ۇسىنۋشىلار. ۆەنگريا ءوزىنىڭ ىشكى ىسىنە ارالاسقان ەۋروپا ەلدەرىنە نارازىلىق تانىتتى.
"مەن ءوز ۇلىم مەكتەپتەن ميى شايىلىپ، ناسيحاتتىڭ قۇربانى بولىپ كەلگەنىن قالامايمىن، 18 جاسقا دەيىن ولاي بولماۋى ءتيىس", - دەيدى پەتەر سيارتو. ۆەنگريانىڭ شەشىمىن ايىپتاعان ەو ەلدەرى بۋداپەشتكە قانداي قىسىم جاساۋعا بولاتىنىن ويلاستىرىپ جاتىر.
"ادىرنا" ۇلتتىق پورتالى
