Vengrııa mektepte LGBT-ny nasıhattaýǵa qarsy zań qabyldady. Bul Eýropa memleketteriniń arasynda úlken daý týǵyzyp jatyr. "Eger Vengrııa demokratııalyq qundylyqtar men teńdikti ustanbasa, onda oǵan EO tarapynan jobalaryn qarjylandyrý toqtatylýy tıis", - dep málimdedi EO komıssary Elen Dallı. Dallı buǵan deıin Polshanyń ózin "LGBT-dan azat aımaq" dep jarııalaǵanyn da eske alyp, Varshavaǵa eskertý jasady.
Vengrııa parlamenti Býdapeshte LGBT-ny nasıhattaýǵa qarsy zańdy oppozıııa, BAQ jáne úkimettik emes uıymdardyń qysymyna qaramastan qabyldap jibergen edi. Qujat oqý ornynda LGBT-ny nasıhattaýǵa tyıym salady, sondaı aq iri saýda ortalyqtarynda olardyń jarnamalaryn ilýge ruqsat etpeıdi. Jobany Vengrııa premeri Vıktor Orbannyń partııasy jasap, parlamentke jibergen edi.
Vengrııa qabyldaǵan zańdy Eýropanyń 13 memleketi aıyptady. Olardyń ishinde Belgııa, Danııa, Estonııa, Fınlıandııa, Franııa, Germanııa, Irlandııa, Latvııa, Lıtva, Lıýksembýrg, Nıderlandy, Ispanııa jáne Shveııa bar. Zańǵa LGBT ókilderi qarsylyq bildirip, túrli úndeýler jasaýda. Olar Eýropa elderi Vengrııany qysymǵa alyp, túrli ekonomıkalyq sankııalar salýyn suraýda.
Vengrııa LGBT ókilderine qarsy emespiz, alaıda balanyń mıyn ýlaýǵa qarsymyz deıdi. Adam 18 jastan asqan soń ǵana óz erki boıynsha tańdaý jasaýy tıis, oǵan deıin ony túrli nasıhatpen ýlaý qatelik deıdi zańdy usynýshylar. Vengrııa óziniń ishki isine aralasqan Eýropa elderine narazylyq tanytty.
"Men óz ulym mektepten mıy shaıylyp, nasıhattyń qurbany bolyp kelgenin qalamaımyn, 18 jasqa deıin olaı bolmaýy tıis", - deıdi Peter Sııarto. Vengrııanyń sheshimin aıyptaǵan EO elderi Býdapeshtke qandaı qysym jasaýǵa bolatynyn oılastyryp jatyr.
"Adyrna" ulttyq portaly
