اسحات ورالوۆ نۇر-سۇلتان قالاسى اكىمىنىڭ ورىنباسارى بولىپ تاعايىندالدى. بۇل تۋرالى ەلوردا اكىمدىگىنىڭ سايتىنداعى حابارلامادا ايتىلعان، دەپ حابارلايدى "ادىرنا" ۇلتتىق پورتالى.
«پرەزيدەنت اكىمشىلىگىنىڭ كەلىسىمى بويىنشا ورالوۆ اسحات رازدىقۇلى نۇر-سۇلتان قالاسى اكىمىنىڭ ورىنباسارى بولىپ تاعايىندالدى»، - دەلىنگەن حابارلامادا.
اكىمنىڭ ورىنباسارى رەتىندە اسحات ورالوۆ الەۋمەتتىك سالالاردى قاداعالايتىن بولادى.
اسحات ورالوۆ 1990 جىلى پاۆلودار وبلىسىندا دۇنيەگە كەلگەن. گۋميلەۆ اتىنداعى ەۋرازيا ۇلتتىق ۋنيۆەرسيتەتىن، رەسەي فەدەراتسياسى سىرتقى ىستەر مينيسترلىگىنىڭ ماسكەۋ مەملەكەتتىك حالىقارالىق قاتىناستار ۋنيۆەرسيتەتىن بىتىرگەن.
جاڭا لاۋازىمىنا قاتىستى اسحات ورالوۆ ءوز ينستا پاراقشاسىندا جازبا قالدىردى:
"قۇرمەتتى دوستار!
بۇگىننەن باستاپ نۇر-سۇلتان قالاسى اكىمىنىڭ ورىنباسارى قىزمەتىنە كىرىستىم.سەنىم بىلدىرگەن قالا اكىمى التاي سەيدىرۇلىنا @altay_kulginov_official ، پرەزيدەنت اكىمشىلىگىنە العىسىمدى بىلدىرەمىن. ۇلى دالا جۇرەگى ەلوردامىزدى كوركەيتۋ جولىندا بىرلەسە ەڭبەك ەتۋگە، جوبالار مەن ۇسىنىستارعا ارقاشان دا اشىقپىن.
اقپارات جانە قوعامدىق دامۋ مينيسترلىگىندە بىرگە جۇمىس اتقارعان بارشا ارىپتەستەرىمە شىن جۇرەكتەن راحمەتىمدى ايتقىم كەلەدى.
قۇرمەتتى قالا تۇرعىندارى!
سىزدەرمەن ەلوردامىزدى ودان ءارى كوركەيتىپ، يگى ىستەردى جۇزەگە اسىرۋ جولىندا بىرگە ەڭبەك ەتۋگە دايىنمىن!" دەپ جازدى ول.
پوسموترەت ەتۋ پۋبليكاتسيۋ ۆ Instagram
"ادىرنا" ۇلتتىق پورتالى
