Ashat Oralov Nūr-Sūltan qalasy äkımınıŋ orynbasary bolyp taǧaiyndaldy. Būl turaly elorda äkımdıgınıŋ saityndaǧy habarlamada aitylǧan, dep habarlaidy "Adyrna" ūlttyq portaly.
«Prezident Äkımşılıgınıŋ kelısımı boiynşa Oralov Ashat Razdyqūly Nūr-Sūltan qalasy äkımınıŋ orynbasary bolyp taǧaiyndaldy», - delıngen habarlamada.Äkımnıŋ orynbasary retınde Ashat Oralov äleumettık salalardy qadaǧalaityn bolady. Ashat Oralov 1990 jyly Pavlodar oblysynda düniege kelgen. Gumilev atyndaǧy Euraziia ūlttyq universitetın, Resei Federasiiasy Syrtqy ıster ministrlıgınıŋ Mäskeu memlekettık halyqaralyq qatynastar universitetın bıtırgen. Jaŋa lauazymyna qatysty Ashat Oralov öz insta paraqşasynda jazba qaldyrdy:
"Qūrmettı dostar! Bügınnen bastap Nūr-Sūltan qalasy äkımınıŋ orynbasary qyzmetıne kırıstım. Senım bıldırgen qala äkımı Altai Seidırūlyna @altay_kulginov_official , Prezident Äkımşılıgıne alǧysymdy bıldıremın. Ūly dala jüregı Elordamyzdy körkeitu jolynda bırlese eŋbek etuge, jobalar men ūsynystarǧa ärqaşan da aşyqpyn. Aqparat jäne qoǧamdyq damu ministrlıgınde bırge jūmys atqarǧan barşa ärıptesterıme şyn jürekten rahmetımdı aitqym keledı. Qūrmettı qala tūrǧyndary! Sızdermen elordamyzdy odan ärı körkeitıp, igı ısterdı jüzege asyru jolynda bırge eŋbek etuge daiynmyn!" dep jazdy ol.
Posmotret etu publikasiiu v Instagram
"Adyrna" ūlttyq portaly
Ūqsas jaŋalyqtar
