وليمپيادا ويىندارى - بۇل ۇلكەن سپورتتىق جارىس. كەز كەلگەن سپورتشى وسى جارىسقا قاتىسىپ، جۇلدەلى ورىنعا يە بولۋدى ارماندايدى. 4 جىلدا ءبىر كەلەتىن جارىسقا قاتىسۋ سپورتشى ءۇشىن ۇلكەن جاۋاپكەرشىلىك پەن ەڭبەكتى قاجەت ەتەدى. ۇيقىسىز تۇندەر مەن ەموتسيالىق كۇيزەلىستەر سوڭى جەڭىس الىپ كەلەدى.⠀
قازاقستاندىق مەرگەندەر 26 شىلدە مەن 6 تامىز ارالىعىندا توكيو قالاسىندا (جاپونيا) وتەتىن XXXII جازعى وليمپيادا ويىندارىنا قاتىسۋعا 3 وليمپيادالىق كۆوتانى جەڭىپ الدى. ءۇش كۆوتا دا شىمكەنتتىڭ ۇلەسىنە ءتيدى.
⠀
ءبىرىنشى وليمپيادا ليتسەنزياسىن ستەند اتۋدان قر حالىقارالىق دارەجەدەگى سپورت شەبەرى سارسەنكۇل رىسبەكوۆا جەڭىپ الدى. ول 2019 جىلى XIV ازيا چەمپيوناتىندا (كاتار) كوماندالىق ەسەپتە التىن مەدالدى يەلەندى، جەكە ەسەپتە 2-ورىنعا قول جەتكىزدى.
⠀
ەكىنشى وليمپيادالىق ليتسەنزيانى وق اتۋدان قر حالىقارالىق دارەجەدەگى سپورت شەبەرى يۋري يۋركوۆ الدى. ليتسەنزيالىق XIV ازيا چەمپيوناتىندا (كاتار) فينالعا ءتۇسىپ، فينالدا يۋري 6-ورىنعا يە بولعان. قورىتىنىسىندا ليتسەنزياسى جوق سپورتشىلاردى اينالىپ ءوتىپ، وليمپيادالىق ليتسەنزياعا قول جەتكىزدى.
⠀
ءۇشىنشى وليمپيادالىق ليتسەنزيا زويا كراۆچەنكوعا تيەسىلى. سپورتشى ستەند اتۋ بويىنشا قر حالىقارالىق دارەجەدەگى سپورت شەبەرى بولىپ تابىلادى. زويا وليمپيادالىق ليتسەنزيانى رەيتينگتىك ەسەپتە جەڭىپ الدى. ءبىر جىل ىشىندە سپورتشى ەڭ جوعارى ناتيجە كورسەتكەن. حالىقارالىق سپورتتىق اتۋ فەدەراتسياسىنىڭ (ISSF) شەشىمىمەن زويا كراۆچەنكوعا وليمپيادا ويىندارىنا قاتىسۋعا كۆوتا ءبولىندى.
⠀
جالپى شىمكەنت قالاسىنىڭ قورجىنىندا 6 وليمپيادالىق ليتسەنزيا بار، ونىڭ 3-ەۋى مەرگەندەر ۇلەسىندە بولىپ وتىر.
شىمكەنت قالاسى اكىمدىگىنىڭ ءباسپاسوز قىزمەتى
