— وسى وقيعاعا بايلانىستى مينيسترلىك جاعدايدان بەيحابار بولعان مەكتەپ ديرەكتورىن قىزمەتىنەن بوساتۋدى تاپسىردى. ەكىنشىدەن، وسىنداي سۇمدىققا جول بەرگەن مەكتەپ پەداگوگتەرى اراسىندا زەرتتەۋ جۇمىستارىن جۇرگىزۋ كەرەك. سونداي-اق زارلاپ شەككەن بالا مەن ونىڭ وتباسىنا پسيحولوگيالىق كومەك كورسەتىلۋى ءتيىس. مۇنداي جاعدايدىڭ قايتالانباۋى ءۇشىن وڭىردە جان-جاقتى جۇيەلى جۇمىستار اتقارۋ كەرەك، — دەدى جيىندا بعم بالالاردىڭ قۇقىقتارىن قورعاۋ كوميتەتىنىڭ توراعاسى ەسەنعازى يمانعاليەۆ.
ال رەسپۋبليكالىق قوسىمشا ءبىلىم بەرۋ وقۋ-ادىستەمەلىك ورتالىعىنىڭ ديرەكتورى، قر ءبىلىم جانە عىلىم ءمينيسترىنىڭ بالالاردىڭ قۇقىقتارىن قورعاۋ ماسەلەلەرى جونىندەگى كەڭەسشىسى رايسا شەر سوڭعى كەزدە اقتوبەدە بالالار اراسىنداعى زورلىق-زومبىلىق دەرەكتەرىنىڭ كوبەيگەنىن ايتتى.
— وسى ورەسكەل وقيعا تۋرالى حابارلاعان جۋرناليستەرگە راقمەت. 4 اي بويى وقيعا جايىندا ءتىس جارماعان مەكتەپ اكىمشىلىگىنىڭ ءىسى زاڭمەن قۋدالاناتىنىن ايتقىم كەلەدى. ولار ءبىرىنشى بوپ دابىل قاعۋى كەرەك ەدى. الايدا ءبىز مۇنى جۋرناليستەردەن بىلدىك. ەڭ وكىنىشتىسى، مەكتەپ باسشىسى بۇل جاعدايعا بايلانىستى بالانىڭ اتا-اناسىمەن وقۋ جىلىنىڭ سوڭىنا دەيىن ەش بايلانىس ورناتپاعان، — دەدى ول.
ايتا كەتۋ كەرەك، باس پروكۋراتۋرانىڭ دەرەگىنە سۇيەنسەك، بالالار اراسىندا جاسالاتىن قىلمىس جاعىنان اقتوبە وبلىسى الدىڭعى ورىندا تۇر.
"ادىرنا" ۇلتتىق پورتالى.
