Zorlyq körsetılgen aqtöbelık oquşyǧa qatysty ıs jalǧasuda. Osy oqiǧaǧa bailanysty Bılım jäne ǧylym ministrlıgı qūrǧan komissiianyŋ otyrysy öttı. Belgılı bolǧandai, oqiǧa bolǧan mekteptıŋ basşysy qyzmetınen ketken, qazır tergeu amaldary jürgızılıp jatyr dep habarlaidy "Adyrna" ūlttyq portalynyŋ tılşısı.
— Osy oqiǧaǧa bailanysty ministrlık jaǧdaidan beihabar bolǧan mektep direktoryn qyzmetınen bosatudy tapsyrdy. Ekınşıden, osyndai sūmdyqqa jol bergen mektep pedagogterı arasynda zertteu jūmystaryn jürgızu kerek. Sondai-aq zarlap şekken bala men onyŋ otbasyna psihologiialyq kömek körsetıluı tiıs. Mūndai jaǧdaidyŋ qaitalanbauy üşın öŋırde jan-jaqty jüielı jūmystar atqaru kerek, — dedı jiynda BǦM Balalardyŋ qūqyqtaryn qorǧau komitetınıŋ töraǧasy Esenǧazy İmanǧaliev.
Al respublikalyq qosymşa bılım beru oqu-ädıstemelık ortalyǧynyŋ direktory, QR Bılım jäne ǧylym ministrınıŋ balalardyŋ qūqyqtaryn qorǧau mäselelerı jönındegı keŋesşısı Raisa Şer soŋǧy kezde Aqtöbede balalar arasyndaǧy zorlyq-zombylyq derekterınıŋ köbeigenın aitty.— Osy öreskel oqiǧa turaly habarlaǧan jurnalisterge raqmet. 4 ai boiy oqiǧa jaiynda tıs jarmaǧan mektep äkımşılıgınıŋ ısı zaŋmen qudalanatynyn aitqym keledı. Olar bırınşı bop dabyl qaǧuy kerek edı. Alaida bız mūny jurnalisterden bıldık. Eŋ ökınıştısı, mektep basşysy būl jaǧdaiǧa bailanysty balanyŋ ata-anasymen oqu jylynyŋ soŋyna deiın eş bailanys ornatpaǧan, — dedı ol. Aita ketu kerek, Bas prokuraturanyŋ deregıne süiensek, balalar arasynda jasalatyn qylmys jaǧynan Aqtöbe oblysy aldyŋǧy orynda tūr.
"Adyrna" ūlttyq portaly.
Ūqsas jaŋalyqtar
