اۋىل شارۋاشىلىعى ءمينيسترى قىزمەتىنەن كەتتى

2802
Adyrna.kz Telegram

ساپارحان وماروۆ قر اۋىل شارۋاشىلىعى ءمينيسترى قىزمەتىنەن بوساتىلدى دەپ حابارلايدى "ادىرنا" ۇلتتىق پورتالى.

بۇگىن وتكەن ۇكىمەتتىڭ كەڭەيتىلگەن وتىرىسىندا پرەزيدەنت ءمينيستردىڭ جۇمىسىن سىنعا العان بولاتىن.

"اكىمدىكتەردىڭ جانە اۋىل شارۋاشىلىعى مينيسترلىگىنىڭ تاراپىنان دۇرىس شەشىم قابىلدانباعان. جۇيەلى ءارى ناقتى جۇمىس اتقارىلماعان. سونىڭ كەسىرىنەن شارۋالارىمىز تىعىرىققا تىرەلىپ وتىر. ناقتى ءىس-ارەكەت پەن كەرى بايلانىس جوق. سوندىقتان فەرمەرلەر كومەك سۇراپ، تىكەلەي ماعان ءوتىنىش ايتۋدا. ارينە، قۋاڭشىلىق – تابيعي جاعداي. مۇنى جاقسى تۇسىنەمىن. دەگەنمەن، بۇل – ماسەلەنىڭ ءبىر جاعى عانا. ەڭ الدىمەن، وسىنداي كۇردەلى كەزەڭدە ءتيىستى مينيسترلىك شۇعىل جانە باتىل شەشىمدەر قابىلداۋى قاجەت ەدى. بىراق، مينيسترلىك بۇل جۇمىستى ءتيىمدى ۇيىمداستىرا العان جوق. سوندىقتان وسى سالاعا بىردەن-ءبىر جاۋاپتى تۇلعا رەتىندە مينيستر ساپارحان وماروۆتىڭ وتستاۆكاعا كەتكەنى دۇرىس دەپ ەسەپتەيمىن", – دەدى پرەزيدەنت.

مەملەكەت باسشىسى شارۋالاردى جەم-شوپپەن قامتاماسىز ەتۋدى تاعى ءبىر الاڭداتىپ وتىرعان ماسەلە رەتىندە اتاپ ءوتتى. ونىڭ ايتۋىنشا، اۋا-رايىنىڭ قولايسىزدىعىنان جانە بولجام جاساۋ جۇمىسىنىڭ تيىمسىزدىگىنەن احۋال ۋشىعىپ كەتكەن. ءبىر عانا ماڭعىستاۋدىڭ وزىندە 3  مىڭعا جۋىق مال قىرىلىپ قالعان.

 

"ادىرنا" ۇلتتىق پورتالى.

پىكىرلەر