ەرمەك كەنجەحانۇلى اۋىل شارۋاشىلىعى ۆيتسە-ءمينيسترى بولىپ تاعايىندالدى، دەپ حابارلايدى “ادىرنا” ۇلتتىق پورتالى پرەمەر-ءمينيستردىڭ ءباسپاسوز قىزمەتىنە سىلتەپ.
«قازاقستان رەسپۋبليكاسى ۇكىمەتىنىڭ قاۋلىسىمەن ەرمەك كەنجەحانۇلى اۋىل شارۋاشىلىعى ۆيتسە-ءمينيسترى قىزمەتىنە تاعايىندالدى»، - دەلىنگەن سارسەنبىدە تاراعان حابارلامادا.
ەرمەك كەنجەحانۇلى 2022 جىلدان وسى ۋاقىتقا دەيىن تۇركىستان وبلىسى اكىمىنىڭ ورىنباسارى، وعان دەيىن 2021-2022 جىلدارى اقتوبە وبلىسى اكىمىنىڭ ورىنباسارى، ودان بۇرىن 2019-2021 جىلدارى سول وبلىستاعى مارتوك اۋدانىنىڭ اكىمى قىزمەتىن اتقارعان.
