اقتوبەدە زەينەتكە شىققان ەرلى-زايىپتىلار جانجالداسىپ، كۇيەۋى ايەلىنە پىشاق سۇعىپ العان دەپ حابارلايدى "ادىرنا" ۇلتتىق پورتالىنىڭ ءتىلشىسى.
66 جاستاعى وتاعاسى 60 جاستاعى ايەلىنە پىشاق جاراقاتىن سالعان. جابىرلەنۋشى ورتالىق اۋرۋحاناعا جەتكىزىلگەن.
اتالعان فاكتى بويىنشا قر قك-ءنىڭ 106-بابى "دەنساۋلىققا قاساقانا اۋىر زيان كەلتىرۋ" بويىنشا سوتقا دەيىنگى تەرگەۋ امالدارى جۇرگىزىلۋدە. سوت-مەديتسينالىق ساراپتاما تاعايىندالعان.
ىشكى ىستەر ورگاندارىنىڭ قىزمەتكەرلەرى اتالعان باپتىڭ سانكتسياسى ءۇش جىلدان سەگىز جىلعا دەيىنگى مەرزىمگە باس بوستاندىعىن شەكتەۋ نە سول مەرزىمگە باس بوستاندىعىنان ايىرۋ تۇرىندەگى جازا بار ەكەندىگىن ايتادى.
جىل باسىنان بەرى اقتوبە وبلىسىندا وتباسىلىق-تۇرمىستىق قاتىناستار سالاسىندا 17 قىلمىس تىركەلگەن. ۋچاسكەلىك پوليتسيا ينسپەكتورلارى 2590 قورعاۋ نۇسقاماسىن شىعارىپ، سوتتار قۇقىق بۇزۋشىلاردىڭ ءجۇرىس-تۇرىسىنا 701 ەرەكشە تالاپ قويعان. ونىڭ ىشىندە 564 قۇقىقبۇزۋشىعا قاتىستى الكوگولدىك ىشىمدىكتەردى پايدالانۋعا تىيىم سالىندى.
سونداي-اق بيىل اقتوبە وبلىسىندا اقبتك-ءنىڭ 73-بابى بويىنشا (وتباسى-تۇرمىستىق قاتىناستار سالاسىنداعى قۇقىققا قايشى ارەكەتتەرى ءۇشىن) 923 ازامات اكىمشىلىك جاۋاپكەرشىلىككە تارتىلعان.
"ادىرنا" ۇلتتىق پورتالى.
