ۆاكتسيناتسيالاۋ پاسپورتىن جاساعاندار ۇستالدى

1998
Adyrna.kz Telegram

الماتى قالاسىندا قاجىلاردىڭ ساۋد ارابياسى كورولدىگىنە كەتۋىن راسىمدەۋ كەزىندە ۆاكتسيناتسيالاۋ پاسپورتتارىن (143 پاسپورت) جاپپاي دايىنداۋعا قاتىسى بار تۋريستىك كومپانيا انىقتالدى دەپ حابارلايدى "ادىرنا" ۇلتتىق پورتالى Polisia.kz-كە سىلتەمە جاساپ.

بيىل جىل باسىنان بەرى ىشكى ىستەر ورگاندارى پتر-تەستىلەۋ ناتيجەلەرى مەن ۆاكتسيناتسيا پاسپورتتارىن قولدان جاساۋدىڭ، سونداي-اق ولاردى پايدالانۋدىڭ 30 جاعدايىن تىركەگەن.

قازىر سوتقا دەيىنگى تەرگەۋ جۇرگىزىلۋدە، ءتىنتۋ ءىس-شارالارى بارىسىندا ۇيىمداستىرۋ تەحنيكاسى، مورلەر، بلانك ونىمدەرى الىندى، سوت ساراپتامالارى تاعايىندالدى.

ەسكە سالا كەتەيىك، جالعان قۇجات دايىنداعانى ءۇشىن 4 جىلعا دەيىن باس بوستاندىعىنان ايىرۋ، ال ونى پايدالانعانى ءۇشىن 40 تاۋلىككە دەيىن قاماۋعا الۋ تۇرىندەگى قىلمىستىق جاۋاپكەرشىلىك قاراستىرىلعان.

"ادىرنا" ۇلتتىق پورتالى.

پىكىرلەر