شىمكەنتتەگى ماڭىزدى نىسانداردىڭ ءبىرى رىسقۇلوۆ-قوناەۆ كوشەلەرىنىڭ قيىلىسىنداعى كولىك جولايرىعىن سالۋ جۇمىستارى كەستەگە سايكەس جۇرگىزىلىپ جاتىر. قالا اكىمى مۇرات ايتەنوۆ قۇرىلىس الاڭىندا بولىپ، جۇمىس بارىسىن پىسىقتادى.
بۇگىنگى كۇنى اۋماقتاعى 1,92 شاقىرىم سۋ جانە 1,82 شاقىرىم گاز قۇبىرلارىنىڭ، 1,2 شاقىرىم ەلەكتر جانە 0,6 شاقىرىم بايلانىس سىمدارىنىڭ ورنى اۋىستىرىلعان. 400 مەترگە تىرەۋ قابىرعالارىن قۇيعان. ۋاقىتشا ەلەكتر باعانالارىن ورناتۋ – 7 دانا، 114 دانا سۆاي قۇيۋ، جەر جۇمىستارى – 85 000 تەكشە مەتر، قۋاتتىلىعى 110 كۆ ەلەكتر جەلىسىن ۋاقىتشا اينالما جەلىسىنە قوسۋ، ۆل110 باعاناسىن دەمونتاجداۋ، جاڭادان سالىنعان قىسىمى جوعارى ديامەترى 500 مم گاز قۇبىرىن قولدانىستاعى گاز قۇبىرىنا قوسۋ جۇمىستارى ورىندالدى.
وسى ايدا جەر استى وتكەلىنىڭ جۇمىستارى، قادا قۇيۋ جانە رىسقۇلوۆ كوشەسىنىڭ قوناەۆ داڭعىلىنان بايتۇرسىنوۆ كوشەسىنە دەيىنگى ارالىقتا جول بولىگىنىڭ جۇمىستارى جۇرگىزىلەتىن بولادى.
قوناەۆ داڭعىلىن وتكەل ارقىلى كولىكتەردىڭ قوزعالىسىن اشۋ 1 قىركۇيەككە دەيىن، ال رىسقۇلوۆ كوشەسىن كوپىردىڭ قۇرىلىسىمەن بىرگە كولىكتەردىڭ قوزعالىسى ءۇشىن اشۋ 1 قاراشاعا دەيىن دەپ جوسپارلانۋدا.
جالپى جولايرىق تولىعىمەن جىل سوڭىندا پايدالانۋعا بەرىلەدى.
شاھار باسشىسى ينجەنەرلىك كوممۋنيكاتسيالاردىڭ ورنىن اۋىستىرۋ جۇمىستارىنا كەدەرگى كەلتىرىپ وتىرعان رىسقۇلوۆ–قوناەۆ كوشەلەرىنىڭ قيىلسىنداعى «مايسس» جقب نىسانىنىڭ ماسەلەسىن تەزدەتىپ شەشۋدى تاپسىردى.
شىمكەنت قالاسى اكىمدىگىنىڭ ءباسپاسوز قىزمەتى
