Qala ákimi Rysqulov-Qonaev kósheleriniń qıylysyndaǵy jolaıryq qurylysynyń sapasyn tekserdi

2937
Adyrna.kz Telegram

Shymkenttegi mańyzdy nysandardyń biri Rysqulov-Qonaev kósheleriniń qıylysyndaǵy kólik jolaıryǵyn salý jumystary kestege sáıkes júrgizilip jatyr. Qala ákimi Murat Áıtenov qurylys alańynda bolyp, jumys barysyn pysyqtady.

Búgingi kúni aýmaqtaǵy 1,92 shaqyrym sý jáne 1,82 shaqyrym gaz qubyrlarynyń, 1,2 shaqyrym elektr jáne 0,6 shaqyrym baılanys symdarynyń orny aýystyrylǵan. 400 metrge tireý qabyrǵalaryn quıǵan. Ýaqytsha elektr baǵanalaryn ornatý – 7 dana, 114 dana svaı quıý, jer jumystary – 85 000 tekshe metr, qýattylyǵy 110 kV elektr jelisin ýaqytsha aınalma jelisine qosý, Vl110 baǵanasyn demontajdaý, jańadan salynǵan qysymy joǵary dıametri 500 mm gaz qubyryn qoldanystaǵy gaz qubyryna qosý jumystary oryndaldy.

Osy aıda jer asty ótkeliniń jumystary, qada quıý jáne Rysqulov kóshesiniń Qonaev dańǵylynan Baıtursynov kóshesine deıingi aralyqta jol bóliginiń jumystary júrgiziletin bolady.

Qonaev dańǵylyn ótkel arqyly kólikterdiń qozǵalysyn ashý 1 qyrkúıekke deıin, al Rysqulov kóshesin kópirdiń qurylysymen birge kólikterdiń qozǵalysy úshin ashý 1 qarashaǵa deıin dep josparlanýda.

Jalpy jolaıryq tolyǵymen jyl sońynda paıdalanýǵa beriledi.

Shahar basshysy ınjenerlik kommýnıkaııalardyń ornyn aýystyrý jumystaryna kedergi keltirip otyrǵan Rysqulov–Qonaev kósheleriniń qıylsyndaǵy «Maıss» JQB nysanynyń máselesin tezdetip sheshýdi tapsyrdy.

Shymkent qalasy ákimdiginiń baspasóz qyzmeti

Pikirler