Atyraý oblysynyń ákimi Mahambet Dosmuhambetov Mahambet aýdanynyń Aqjaıyq aýylynda salynyp jatqan jylyjaımen tanysyp shyqty.
Mahambet aýdany Aqjaıyq aýylyna barǵan óńir basshysy Mahambet Dosmuhambetov 4 gektar jerge salynyp jatqan jylyjaı jumystarymen tanysty.
«Jumaǵalıeva N» sharýa qojalyǵy basshysy Ospan Almastyń aıtýynsha, jobanyń jalpy quny-1,4 mlrd. teńge. Osy jyldyń 4 – toqsanynda jylyjaı tolyq paıdalanyla bastaıdy. Qazirdiń ózinde jylyjaıdyń qańqasy qurylyp, elektr jáne gaz jelisi tartylyp qoıǵan. Munda 14 adam jumys isteýde. Joba tolyq iske asqanda 350 adam jumyspen qamtylmaq. «Jylyjaı tolyq iske qosylǵanda jylyna 350 tonna qııar, qyzanaq syndy kókónis ónimderin alýdy kózdep otyrmyz»,-deıdi Ospan Almas.
Óz kezeginde oblys ákimi de sharýa qojalyǵynyń aýqymdy jobasy arqyly jergilikti turǵyndardy jumyspen, sondaı-aq arzan kókónispen qamtý úshin mol múmkindik ashylatynyn atap ótti. Sonymen qatar, aýyldy jerdiń bıýdjetine aýqymdy salyq túsip, Aqjaıyqtyń ónimderi baǵa turaqtylyǵyna da oń yqpal etetinine toqtaldy.
Budan soń oblys ákimi aqjaıqtyqtarmen de kezdesip, usynys-pikirlerin tyńdap, jemisti eńbek tiledi.
