NIS تۇلەگى كيپر جانە لاتۆيا ۋنيۆەرسيتەتتەرىنىڭ تولىق ءبىلىم گرانتىنا يە بولدى

698

نۇر-سۇلتان قالاسىنداعى نازارباەۆ زياتكەرلىك مەكتەپتىڭ تۇلەگى دياس نۋرمۋحامەدوۆ كيپر حالىقارالىق ۋنيۆەرسيتەتى مەن ريگا بيزنەس مەكتەبىنىڭ وقۋ اقىسىن تولىق وتەيتىن ءبىلىم گرانتىن ۇتىپ الدى.

سونىمەن قاتار، دياس يسپانيانىڭ ءىE ۋنيۆەرسيتەتىنە قابىلدانىپ، «IE High Potential Award»-قا يە بولدى، ال ول ءوز كەزەگىندە وقۋعا 80% جەڭىلدىك بەرەدى. جوعارى وقۋ ورنىنا ءوتىنىشتى مەرزىمىنەن ەرتە بەرگەنى ءۇشىن ليتۆانىڭ ISM مەنەدجمەنت جانە ەكونوميكا ۋنيۆەرسيتەتى دياسقا وقۋ اقىسىن 25% قامتيتىن شاكىرتاقى ۇسىندى. دياستى ءوزىنىڭ ستۋدەنتى رەتىندە كورگىسى كەلگەن جوعارى وقۋ ورىنداردىڭ قاتارىندا ليتۆانىڭ LCC ۋنيۆەرسيتەتى، گەرمانيانىڭ ياكوبس ۋنيۆەرسيتەتى، اقش-تىڭ حوفسترا ۋنيۆەرسيتەتى, ۆەنگريانىڭ كورۆين ۋنيۆەرسيتەتى مەن بۋداپەشت بيزنەس مەكتەبى بار.

- وقۋعا قابىلداۋ تۋرالى حاتتاردى وقىعاندا مەنىڭ قۋانىشىمدا شەك بولمادى، اسىرەسە گرانت نەمەسە ستيپەندياعا يە بولعانىم ەڭبەگىمنىڭ اقتالعانى دەپ بىلەمىن. قاتارلاس دوستارىما شاقىرۋلار كەلىپ، ماعان ەشقانداي جاۋاپتىڭ كەلمەگەنىن كورگەندە، قاتتى ۋايىمداعانىم راس. قازىرگى ساتتە، مەن ءالى ناقتى ءبىر ۋنيۆەرسيتەتتى تاڭدامادىم، سەبەبى ۆەنگريا مەن تۇركيا ۋنيۆەرسيتەتتەرىنەن جاۋاپ كۇتۋدى شەشتىم. الداعى ۋاقىتتا بيزنەس، كوممۋنيكاتسيا جانە مەديا عىلىمدارى بويىنشا ءبىلىم الۋ جوسپارىمدا بار، - دەيدى دياس.

جاس زياتكەر ورىس ءتىلى جانە گەوگرافيا پاندەرى بويىنشا وليمپيادالارعا قاتىسىپ، «Adal Volunteer Club (AVC)» ۆولونتەرلىق ۇيىمىنىڭ بەلسەندى مۇشەسى بولدى. مەكتەپشىلىك ۇستەل تەننيسى ۇيىرمەسى مەن «NISA Library» كلۋبىنىڭ كوشباسشىسى قىزمەتىن اتقاردى. سونداي-اق، ول وقۋشىلارعا وزدەرىنە سايكەس ۋنيۆەرسيتەتتى تابۋعا كومەكتەسەتىن «ءىۆpick» قىزمەتىن قۇردى. دياستىڭ ايتۋىنشا، «ءىۆpick» قىزمەتى وزىنە دە پايدالى بولعان.

«ادىرنا» ۇلتتىق پورتالى

پىكىرلەر
رەداكتسيا تاڭداۋى