Nur-Sultan qalasyndaǵy Nazarbaev Zııatkerlik mekteptiń túlegi Dıas Nýrmýhamedov Kıpr Halyqaralyq ýnıversıteti men Rıga Bıznes mektebiniń oqý aqysyn tolyq óteıtin bilim grantyn utyp aldy.
Sonymen qatar, Dıas Ispanııanyń IE ýnıversıtetine qabyldanyp, «IE High Potential Award»-qa ıe boldy, al ol óz kezeginde oqýǵa 80% jeńildik beredi. Joǵary oqý ornyna ótinishti merziminen erte bergeni úshin Lıtvanyń ISM Menedjment jáne Ekonomıka ýnıversıteti Dıasqa oqý aqysyn 25% qamtıtyn shákirtaqy usyndy. Dıasty óziniń stýdenti retinde kórgisi kelgen joǵary oqý oryndardyń qatarynda Lıtvanyń LCC Ýnıversıteti, Germanııanyń Iakobs Ýnıversıteti, AQSh-tyń Hofstra Ýnıversıteti, Vengrııanyń Korvın Ýnıversıteti men Býdapesht Bıznes mektebi bar.
- Oqýǵa qabyldaý týraly hattardy oqyǵanda meniń qýanyshymda shek bolmady, ásirese grant nemese stıpendııaǵa ıe bolǵanym eńbegimniń aqtalǵany dep bilemin. Qatarlas dostaryma shaqyrýlar kelip, maǵan eshqandaı jaýaptyń kelmegenin kórgende, qatty ýaıymdaǵanym ras. Qazirgi sátte, men áli naqty bir ýnıversıtetti tańdamadym, sebebi Vengrııa men Túrkııa ýnıversıtetterinen jaýap kútýdi sheshtim. Aldaǵy ýaqytta bıznes, kommýnıkaııa jáne medıa ǵylymdary boıynsha bilim alý josparymda bar, - deıdi Dıas.
Jas zııatker orys tili jáne geografııa pánderi boıynsha olımpıadalarǵa qatysyp, «Adal Volunteer Club (AVC)» volonterlyq uıymynyń belsendi múshesi boldy. Mektepshilik ústel tennısi úıirmesi men «NISA Library» klýbynyń kóshbasshysy qyzmetin atqardy. Sondaı-aq, ol oqýshylarǵa ózderine sáıkes ýnıversıtetti tabýǵa kómektesetin «IVpick» qyzmetin qurdy. Dıastyń aıtýynsha, «IVpick» qyzmeti ózine de paıdaly bolǵan.
«Adyrna» ulttyq portaly
