ليتۆالىق سۋرەتشى ءارى ءمۇسىنشى مارتيناس گاۋباس كاۋناستا ۆلاديمير ءپۋتيننىڭ پروۆوكاتسيالىق ءمۇسىنىن تانىستىردى، دەپ حابارلايدى «ادىرنا» ءتىلشىسى LRT-عا سىلتەمە جاساپ.
«سوعىس جاقىندا اياقتالادى دەپ ويلاعانمىن. وسى ءۇش جىل ىشىندە ەشتەڭە وزگەرمەگەنىن كورگەندە، روجدەستۆو كەزىندە جۇمىستى سوعىستىڭ ءۇشىنشى جىلدىعىنا وراي اياقتاۋىم كەرەك دەپ شەشتىم»، — دەدى ول.
گاۋباستىڭ ايتۋىنشا، مۇسىندەگى قۇلاق پەن كوز ادەيى پروپورتسيونالدى تۇردە وتە كىشكەنتاي ەتىپ بەينەلەنگەن. بۇل ءپۋتيننىڭ ەشتەڭەنى كورمەي، ەستىمەي وتىرعانىن بىلدىرەدى. ال مۇرنى شامادان تىس ۇزىن ەتىپ جاسالعان، بۇل ونىڭ «ارالاسپاۋ كەرەك جەرگە ارالاسۋىن» سيمۆولدايدى. سۋرەتشى ءمۇسىندى جاساۋدا قولدانعان سيمۆوليكانىڭ بارلىعى وڭاي تۇسىنىلەدى دەپ سانايدى.
گاۋباس ءمۇسىندى ليتۆانىڭ وزگە قالالارىندا دا كورسەتۋ جوسپارلانىپ وتىرعانىن جەتكىزدى.
