2021-2022 وقۋ جىلىندا باكالاۆرياتقا ءتۇسۋ ءۇشىن 56 مىڭنان، ماگيستراتۋراعا ءتۇسۋ ءۇشىن 13 مىڭنان استام گرانت ءبولىندى، دەپ حابارلايدى «ادىرنا» ءتىلشىسى بعم ءباسپاسوز قىزمەتىنە سىلتەمە جاساپ.
ەستەرىڭىزگە سالا كەتەيىك، بيىل پرەزيدەنتتىڭ تاپسىرماسى بويىنشا گرانتتاردىڭ جالپى سانى 5000-عا ارتتى. ءبىلىم بەرۋ گرانتتارىن تاعايىنداۋ كونكۋرسىنا قاتىسۋ ءۇشىن وتىنىشتەردى قابىلداۋ 13 شىلدەدە باستالىپ، 20 شىلدەگە دەيىن جالعاسادى.
ءبىلىم بەرۋ گرانتتارى قر ەڭبەك جانە حالىقتى الەۋمەتتىك قورعاۋ مينيسترلىگىنىڭ دەرەكتەرىنە جانە جۇمىس بەرۋشىلەردىڭ سۇرانىسقا يە ماماندىقتار تۋرالى اقپاراتىنا سايكەس بولىنگەن.
باكالاۆريات بويىنشا گرانتتاردىڭ ەڭ كوپ سانى ينجەنەرلىك، وڭدەۋ جانە قۇرىلىس سالالارىنا ءبولىندى – 17 028 گرانت. پەداگوگيكالىق عىلىمدار – 9573 گرانت، اقپاراتتىق – كوممۋنيكاتسيالىق تەحنولوگيالار – 7487, جاراتىلىستانۋ عىلىمدارى – 4088, اۋىل شارۋاشىلىعى عىلىمدارى – 1895, دەنساۋلىق ساقتاۋ سالاسىنداعى ماماندىقتارعا – 2700, ونەر جانە گۋمانيتارلىق عىلىمدار – 1615, بيزنەس، باسقارۋ جانە قۇقىق – 1223, الەۋمەتتىك عىلىمدار، جۋرناليستيكا جانە اقپارات ماماندىقتارىنا 960 گرانت ءبولىندى.
"ماڭگىلىك ەل جاستارى – يندۋسترياعا" ("سەرپىن") باعدارلاماسى شەڭبەرىندە دە گرانتتار قاراستىرىلعان. "تالاپكەرلەر قۇجاتتارىن اقپاراتتىق جۇيە ارقىلى تاپسىراتىن بولادى. سونىمەن بىرگە جوعارى وقۋ ورىندارىندا ۆيرتۋالدى قابىلداۋ كوميسسيالارى جۇمىس ىستەيدى. ماماندار وتكەن جىلداعىداي بەينە بايلانىس ارقىلى تالاپكەرلەرگە كەڭەس بەرەدى", – دەپ حابارلادى قر ءبىلىم جانە عىلىم ۆيتسە-ءمينيسترى قۋانىش ەرعاليەۆ.
ماگيستراتۋرادا وقۋعا گرانتتاردىڭ كوپ سانى پەداگوگيكالىق ماماندىقتار بويىنشا قاراستىرىلعان – 3 642 گرانت. ينجەنەرلىك، وڭدەۋ جانە قۇرىلىس سالالارىنا – 3429, جاراتىلىستانۋ عىلىمدارى، ماتەماتيكا جانە ستاتيستيكا باعىتى بويىنشا – 1278, اقپاراتتىق-كوممۋنيكاتسيالىق تەحنولوگيالار بويىنشا – 1233, اۋىل شارۋاشىلىعى جانە بيورەسۋرستار بويىنشا – 527 گرانت ءبولىندى.
كەشەندى تەستىلەۋدەن وتۋگە نيەت بىلدىرۋشىلەردى تىركەۋ 18 ماۋسىمدا باستالىپ، 15 شىلدەگە دەيىن جالعاسادى. ەمتيحان 20 شىلدەدە باستالادى.
«ادىرنا» ۇلتتىق پورتالى
