2021-2022 oqý jylynda bakalavrıatqa túsý úshin 56 myńnan, magıstratýraǵa túsý úshin 13 myńnan astam grant bólindi, dep habarlaıdy «Adyrna» tilshisi BǴM baspasóz qyzmetine silteme jasap.
Esterińizge sala keteıik, bıyl Prezıdenttiń tapsyrmasy boıynsha granttardyń jalpy sany 5000-ǵa artty. Bilim berý granttaryn taǵaıyndaý konkýrsyna qatysý úshin ótinishterdi qabyldaý 13 shildede bastalyp, 20 shildege deıin jalǵasady.
Bilim berý granttary QR Eńbek jáne halyqty áleýmettik qorǵaý mınıstrliginiń derekterine jáne jumys berýshilerdiń suranysqa ıe mamandyqtar týraly aqparatyna sáıkes bólingen.
Bakalavrıat boıynsha granttardyń eń kóp sany ınjenerlik, óńdeý jáne qurylys salalaryna bólindi – 17 028 grant. Pedagogıkalyq ǵylymdar – 9573 grant, aqparattyq – kommýnıkaııalyq tehnologııalar – 7487, jaratylystaný ǵylymdary – 4088, aýyl sharýashylyǵy ǵylymdary – 1895, densaýlyq saqtaý salasyndaǵy mamandyqtarǵa – 2700, óner jáne gýmanıtarlyq ǵylymdar – 1615, bıznes, basqarý jáne quqyq – 1223, áleýmettik ǵylymdar, jýrnalıstıka jáne aqparat mamandyqtaryna 960 grant bólindi.
"Máńgilik el jastary – ındýstrııaǵa" ("Serpin") baǵdarlamasy sheńberinde de granttar qarastyrylǵan. "Talapkerler qujattaryn aqparattyq júıe arqyly tapsyratyn bolady. Sonymen birge joǵary oqý oryndarynda vırtýaldy qabyldaý komıssııalary jumys isteıdi. Mamandar ótken jyldaǵydaı beıne baılanys arqyly talapkerlerge keńes beredi", – dep habarlady QR Bilim jáne ǵylym vıe-mınıstri Qýanysh Erǵalıev.
Magıstratýrada oqýǵa granttardyń kóp sany pedagogıkalyq mamandyqtar boıynsha qarastyrylǵan – 3 642 grant. Injenerlik, óńdeý jáne qurylys salalaryna – 3429, jaratylystaný ǵylymdary, matematıka jáne statıstıka baǵyty boıynsha – 1278, aqparattyq-kommýnıkaııalyq tehnologııalar boıynsha – 1233, aýyl sharýashylyǵy jáne bıoresýrstar boıynsha – 527 grant bólindi.
Keshendi testileýden ótýge nıet bildirýshilerdi tirkeý 18 maýsymda bastalyp, 15 shildege deıin jalǵasady. Emtıhan 20 shildede bastalady.
«Adyrna» ulttyq portaly
