الماتى وبلىسىندا 29 جاستاعى ايەل قايىن اپاسىن ءولتىردى دەگەن كۇدىكپەن ۇستالدى، دەپ حابارلايدى «ادىرنا» ۇلتتىق پورتالى Stan.kz اقپارات اگەنتتىگىنە سىلتەمە جاساپ.
الماتى وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە، وقيعا جامبىل اۋدانىنىڭ قارعالى اۋىلىندا بولعان. 6 شىلدە كۇنى تۇنگى ساعات 3:00 شاماسىندا جامبىل اۋداندىق پوليتسيا باسقارماسىنا جەر ءۇيدىڭ ءبىرى ورتەنىپ، ىشىنەن 37 جاستاعى ايەل ادامنىڭ دەنەسى تابىلعانى جونىندە حابار ءتۇستى.
27 جاستاعى كورشىسى ءتۇن ىشىندە ويانىپ، ورتەنىپ جاتقان ۇيگە كومەككە جۇگىرگەن. ەر ادام جانىپ جاتقان ۇيدەن كامەلەت جاسىنا تولماعان 3 بالانى جانە ايەل ادامدى الىپ شىققان.
«تەرگەۋ كەزىندە ورتتەن قۇتقارىلعان 29 جاستاعى ايەل ادام ءولتىردى دەگەن كۇدىككە ءىلىندى. ول ءوزىنىڭ قايىن اپكەسىن ءولتىرىپ، ءۇيدى ورتەگەنىن مويىندادى. سوزىنشە، ول جاساعان قىلمىسىنان سوڭ ۇيگە بەنزين قۇيىپ، ءوزىن دە، بالالاردى دا ورتەپ جىبەرمەك بولعان»، – دەپ مالىمدەدى اتالعان ۆەدومستۆونىڭ ءباسپاسوز قىزمەتىنەن.
قازىر وسى قاندى قىلمىسقا قاتىستى قر قك 99-بابى بويىنشا سوتقا دەيىنگى تەرگەۋ باستالدى. كۇدىكتى 29 جاستاعى ايەل قاماۋعا الىندى.
"ادىرنا" ۇلتتىق پورتالى
