Almaty oblysynda 29 jastaǵy áıel qaıyn apasyn óltirdi degen kúdikpen ustaldy, dep habarlaıdy «Adyrna» ulttyq portaly Stan.kz aqparat agenttigine silteme jasap.
Almaty oblystyq polıııa departamenti baspasóz qyzmetiniń málimetinshe, oqıǵa Jambyl aýdanynyń Qarǵaly aýylynda bolǵan. 6 shilde kúni túngi saǵat 3:00 shamasynda Jambyl aýdandyq polıııa basqarmasyna jer úıdiń biri órtenip, ishinen 37 jastaǵy áıel adamnyń denesi tabylǵany jóninde habar tústi.
27 jastaǵy kórshisi tún ishinde oıanyp, órtenip jatqan úıge kómekke júgirgen. Er adam janyp jatqan úıden kámelet jasyna tolmaǵan 3 balany jáne áıel adamdy alyp shyqqan.
«Tergeý kezinde órtten qutqarylǵan 29 jastaǵy áıel adam óltirdi degen kúdikke ilindi. Ol óziniń qaıyn ápkesin óltirip, úıdi órtegenin moıyndady. Sózinshe, ol jasaǵan qylmysynan soń úıge benzın quıyp, ózin de, balalardy da órtep jibermek bolǵan», – dep málimdedi atalǵan vedomstvonyń baspasóz qyzmetinen.
Qazir osy qandy qylmysqa qatysty QR QK 99-baby boıynsha sotqa deıingi tergeý bastaldy. Kúdikti 29 jastaǵy áıel qamaýǵa alyndy.
"Adyrna" ulttyq portaly
