يسپانيادا ەكى جۇردەك پويىز سوعىسىپ، سالدارىنان 21 ادام قازا تاپتى. تاعى شامامەن 100 ادام جاراقات العان، ولاردىڭ 30-ىنىڭ جاعدايى اۋىر. بۇل تۋرالى ەلدىڭ ىشكى ىستەر مينيسترلىگى مالىمدەدى، دەپ حابارلايدى «ادىرنا» ءتىلشىسى.
قايعىلى وقيعا 18 قاڭتار كەشكە يسپانيانىڭ كوردوۆا پروۆينتسياسىندا بولعان.
مالاگادان مادريدكە باعىت العان Iryo كومپانياسىنىڭ پويىزى رەلستەن شىعىپ، كورشى جولعا اۋىپ كەتكەن، سول جەردە ۋەلۆاعا بارا جاتقان قارسى باعىتتاعى پويىزبەن سوقتىعىسقان. وقيعانىڭ سەبەبى ازىرگە بەلگىسىز. يسپاندىق باق مالىمەتىنشە، ەكى پويىزدا جالپى سانى 400 ادام بولعان.
يسپانيا پرەمەر-ءمينيسترى پەدرو سانچەس جاعدايدى ءجىتى باقىلاپ وتىرعانىن مالىمدەدى. يسپانيانىڭ كورولدىك وتباسى دا قازا بولعانداردىڭ تۋىستارىنا كوڭىل ايتتى.
Reuters اگەنتتىگىنىڭ جازۋىنشا، وقيعا ورنىندا قۇتقارۋشىلار ءالى دە جۇمىس ىستەپ جاتىر، ولار پويىزداعى ءتىرى قالعان جولاۋشىلاردى ىزدەۋدە.
پويىزدار رەلستەن شىققان ادامۋس مۋنيتسيپاليتەتىنىڭ باسشىسىنىڭ ايتۋىنشا، ول وقيعا ورنىنا العاشقىلاردىڭ ءبىرى بولىپ كەلگەن.
«مەن ادام تانىمايتىن حالگە تۇسكەن جولاۋشىلاردى كوردىم»، – دەپ ايتتى ول El País گازەتىنە بەرگەن پىكىرىندە.
