ءۇي گاراجى تۋرالى ءسىز بىلمەگەن تاڭقالارلىق 35 دەرەك

2587
Adyrna.kz Telegram

گاراج - ۇيدەگى ەرەكشە جۇمىس ورىندارىنىڭ ءبىرى. اسىرەسە، ەر ادامدار ءۇشىن گاراجدىڭ ءجونى بولەك. ءسىز گاراجدار تۋرالى شىنىمەن نە بىلەسىز جانە ولاردى ءۇي يەلەرى ءىس جۇزىندە قالاي پايدالانادى؟ ءبىز گاراجداردى ۇستاۋ، ونى جابدىقتاۋ تۋرالى كوپتەگەن كەرەمەت فاكتىلەردى جيناقتادىق. سونىمەن ءۇي گاراجى تۋرالى تاڭقالارلىق 35 دەرەكتى نازارلارىڭىزعا ۇسىنامىز:

1. Impulse Research زەرتتەۋى بويىنشا امەريكاندىقتاردىڭ 55% -ى گاراجدا اپتاسىنا 1-2 ساعات سۇيىكتى حوببيلەرىمەن جانە باسقا دا جۇمىستارمەن اينالىسادى;

2. ورتاشا ولشەمدى ۇيدەگى 2 اۆتوموبيلگە ارنالعان گاراج ءۇيدىڭ جالپى الاڭىنىڭ شامامەن 13-15%-ىن قۇرايدى;

3. ءۇي يەلەرىنىڭ تەك 11% -ى وزدەرىنىڭ گاراجىنا ريزا ەكەندىكتەرىن جانە ونى جاقسارتقىسى كەلمەيتىندىكتەرىن ايتقان (Wall Street Journal ساۋالناماسى);

4. ءۇي ساتىپ العاندا، ساتىپ الۋشىلاردىڭ 80% -ى گاراجدىڭ بولۋىن قاراستىرادى (Impulse Research ساۋالناماسى);

5. گاراجدا ءوز ءىسىن باستاعان بەس تانىمال كومپانيا: Apple, Amazon, Disney, Google جانە Harley-Davidson.

6. موەن زەرتتەۋلەرى گاراجدى ۇيدەگى ەڭ جابدىعى كوپ ورىن دەپ تاپتى. ۇلتتىق كاسىبي ۇيىمداستىرۋشىلاردىڭ قاۋىمداستىعىنىڭ تاعى ءبىر زەرتتەۋى كورسەتكەندەي، ءۇي يەلەرىنىڭ 50%-ى گاراجدى ءۇيىنىڭ ەڭ ۇيىمداستىرىلماعان بولىگى دەپ اتاعان. سونداي-اق كوپ ادامدار گاراجدى «قوقىستاردان قۇتىلۋ» ورنى رەتىندە قابىلداپ، وسى جەردە كوڭىل كوتەرۋگە بولاتىندىعىن جەتكىزگەن (Wall Street Journal ساۋالناماسى);

7. 50% -دان استام ءۇي يەلەرى الداعى ەكى جىل ىشىندە گاراجىن قايتا قۇرۋدى جوسپارلاپ وتىر (Peachtree Consulting ساۋالناماسى);

8. گاراج ەسىكتەرى ورتاشا ەسەپپەن كۇنىنە 3-5 رەت اشىلىپ-جابىلادى (جىلىنا شامامەن 1500 رەت);

9. American Housing-ءتىڭ زەرتتەۋى كورسەتكەندەي، اقش تۇرعىن ۇيلەرى مەن پاتەرلەرىنىڭ 80% -ىندا اۆتوتۇراق نەمەسە گاراج بار. كاناداداعى دەنساۋلىق ساقتاۋ سالاسىنداعى زەرتتەۋلەر ناتيجەسىندە كانادالىق جەكە ۇيلەردىڭ جارتىسىنان كوبىندە بەكىتىلگەن گاراج بار ەكەندىگى انىقتالدى.

10. ءۇي يەلەرىنىڭ 52% -ى كورشىلەرى قىزىعاتىن گاراجدى قالايدى (تومپسون زەرتتەۋى).

11. Garage Living ساۋالناماسىنا قاتىسقان 1500 سولتۇستىكامەريكالىق رەسپوندەنتتەردىڭ 20%-ى ءوز گاراجىنا تۇراق قويا المايتىنىن ايتتى. 1000 امەريكاندىق اراسىندا جۇرگىزىلگەن ساۋالناما كورسەتكەندەي، ولاردىڭ 47% -ى ءوز گاراجىنا كولىك قويۋ پروبلەماسى بار ەكەنىن مويىنداعان;

12. دەزورگانيزاتسيا گاراجداعى 80% بۇزۋشىلىقتىڭ سەبەبى بولىپ تابىلادى;

13. 2 كولىككە ارنالعان گاراجى بار ادامداردىڭ 25% -ى ولاردا مۇلدەم تۇراقتامايدى. باسقالارى تەك ءبىر ماشينانى قويا الادى، سەبەپ — گاراجداعى ۇقىپسىزدىق (اقش ەنەرگەتيكا مينيسترلىگىنىڭ زەرتتەۋى);

14. 1990 جىلعا دەيىن شىققان گاراج توڭازىتقىشىن نەمەسە مۇزداتقىشىن پايدالانۋ ءسىزدىڭ ەلەكتر ەنەرگياسى قارجىسىنا جىلىنا 250-300 دوللار قوسۋى مۇمكىن.

15. Wall Street Journal-دا 900 ءۇي يەسىنە جۇرگىزىلگەن ساۋالناماعا سايكەس، گاراجداردىڭ تەك 70% -ىنا عانا كولىك قويۋعا بولادى.

16. ساۋالناماعا قاتىسقان ءۇي يەلەرىنىڭ 74% -ى گاراجدى كولىك تۇراعى رەتىندە قابىلدايتىنىن ايتقان (Wall Street Journal ساۋالناماسى);

17. ساۋالناماعا قاتىسقان 500 ريەلتوردىڭ 82%-ى دۇرىس جينالماعان گاراج الەۋەتتى ۇيلەرگە قارايتىن ادامدارعا كەرى اسەرىن تيگىزەتىندىگىن ايتتى (Braun Research ساۋالناماسى);

18. «گاراج» ءسوزى فرانتسۋزدىڭ «garer» سوزىنەن شىققان، "قورعاۋ", "پانالاۋ" نەمەسە "ساقتاۋ" دەگەندى بىلدىرەدى;

19. ءۇي يەلەرىنىڭ 24%-ى گاراج ەسىكتەرىن اشىق قالدىرۋعا ۇيالادى (Impulse Research ساۋالناماسى);

20. Wall Street Journal ساۋالناماسىنا قاتىسقان 900 ءۇي يەسىنىڭ 25% -ى گاراجدى اۆتوكولىكتەرگە قىزمەت كورسەتۋ ءۇشىن پايدالانادى;

21. 55% ءۇي يەلەرى گاراجدى ءۇيىنىڭ نەگىزگى كىرەبەرىسى رەتىندە پايدالانادى (چەمبەرلەن توبىنىڭ زەرتتەۋى);

22. ريەلتورلاردىڭ 90% -ى ءۇي ساتىپ الاتىن كەز-كەلگەن ادام گاراجىنىڭ جاي تۇراقتان گورى فۋنكتسيونالدى بولعانىن قالايدى دەپ سانايدى (Braun Research ساۋالناماسى);

23. 2 كولىككە ارنالعان ورنى بار گاراج 2017 جىلعى Garage Living ساۋالناماسىندا 1500 سولتۇستىكامەريكالىق رەسپوندەنتتەردىڭ اراسىندا ەڭ كوپ تارالعان ولشەم بولدى. ماسەلەن،  ولاردىڭ 18% -ىندا گاراج 1 اۆتوكولىك بولسا، 61% -دا 2 كولىككە، ال 22% -دا 3 اۆتوكولىككە ارنالعان.

24. گاراج ەسىكتەرى ءۇيدىڭ قاسبەتىنىڭ ۇشتەن بىرىنە دەيىن ورنالاسۋى مۇمكىن;

25. ءبىزدىڭ ماشينالار گاراجدا نەمەسە تۇراقتا تۇرۋ ۋاقىتى 95%-دى قۇرايدى;

26. اقش-تىڭ Crescent Communities ينۆەستيتسيالىق فيرماسى جۇرگىزگەن ساۋالناماعا سايكەس، ءۇي يەلەرىنىڭ تورتتەن ءۇش بولىگى گاراجدىڭ بولۋى «وتە ماڭىزدى» دەپ سانايدى;

27. ريەلتورلارعا ساۋالناما كورسەتكەندەي، گاراجدار ءۇي ساتىپ الۋشىلار ءۇشىن جەرتولەلەردەن نەمەسە شاتىرلاردان گورى قولايلى قويما بولىپ سانالادى (Braun Research ساۋالناماسى);

28. امەريكالىقتاردىڭ شامامەن 9% -ى ساقتاۋ ورىندارىن جالعا الادى، دەگەنمەن بۇل ءۇي يەلەرىنىڭ 65% -ىندا گاراج بار (Self Storage Association ستاتيستيكاسى);

29. گاراجدىڭ العاشقى ەلەكترلىك مەحانيزمى 1926 جىلى ويلاپ تابىلدى;

30. ءۇيدى اباتتاندىرۋ جوبالارى تۋرالى ايتاتىن بولساق، گاراجدىڭ جاڭا ەسىكتەرى ينۆەستيتسيانىڭ ەڭ جاقسى قايتارىمىن بەرەدى. ادەتتە گاراجدىڭ جاڭا ەسىگىنىڭ 80-90% تولەنەدى.

31. ساۋالناماعا قاتىسقان 500 ريەلتوردىڭ 79% -ى گاراجدى جابدىقتاعاندا، ۇيدەگى باسقا بولمەلەر سياقتى ول دا نازار اۋدارۋعا لايىقتى دەپ تانىعان. ال 88%-ى ارلەپ، بەزەندىرىلگەن گاراجدى ۇستاۋ ءۇي يەسىنىڭ كوكىرەگىن ەرەكشە ءبىر ماقتانىش كەرنەيتىنىن ايتقان (Braun Research ساۋالناماسى);

33. كانادالىق ءۇي سالۋشىلار قاۋىمداستىعىنىڭ زەرتتەۋىنشە، 2 اۆتوكولىك تۇراتىن گاراج 12000 ءۇي ساتىپ الۋشى باعالاعان 10 نەگىزگى اكتيۆتىڭ ءبىرى بولعان;

34. ادامدار گاراجدىڭ زاماناۋي ەسىكتەرىن اشقاندا ەسكى قۇرىلعىلارعا قاراعاندا  75%  از ەنەرگيا جۇمسايتىنىن جەتكىزگەن;

35. 1000 اۆستراليالىقتىڭ اراسىندا جۇرگىزىلگەن ساۋالنامادا، ولاردىڭ جارتىسىنان از بولىگى گاراجداردا جيناقىلىقتىڭ جوقتىعىنان بىرقاتار قيىندىقتارعا تاپ بولعاندىعىن ايتقان (اۆستراليا ينستيتۋتىنىڭ زەرتتەۋى).

وسى 35 دەرەك ءسىزدىڭ ءوز گاراجىڭىزدى ساندەپ، جابدىقتاۋعا، سونداي-اق وعان باسقاشا كوزبەن قاراۋعا مۇمكىندىك بەرەدى دەپ ويلايمىز. ەندەشە، ساتتىلىك!

 

"ادىرنا" ۇلتتىق پورتالى.

پىكىرلەر