الماتىدا 64 جاستاعى تانىمال قازاقستاندىق جانە كەڭەستىك سپورتشى سەرىك نۇرقازوۆ جوعالىپ كەتكەنى حابارلاندى.
"قوعام" جەدەل ارەكەت ەتۋ جاساعىنىڭ Instagram-داعى پاراقشاسىندا الماتىدا تانىمال سپورتشى سەرىك نۇرقازوۆقا ىزدەۋ جاريالانعانى جايلى اقپارات شىقتى.
ەر ادام 14 جەلتوقساندا ۇيىنەن بەلگىسىز باعىتقا شىعىپ، قايتا ورالماعان. ونىڭ باسىندا سۇر باسكيىم، ۇستىندە كاپيۋشونى بار كوك كۇرتە، اق جەمپىر، قارا دجينسى بولعان. سونداي-اق ونىڭ شاشى اق جانە ساقالى بار ەكەنى ايتىلعان.
ايتا كەتەيىك، سەرىك توكەنۇلى نۇرقازوۆ قاراعاندى وبلىسىندا دۇنيەگە كەلگەن.
ول بوكستان كسرو ەڭبەك سىڭىرگەن سپورت شەبەرى، 1983 جىلى ريمدە وتكەن الەم كۋبوگىنىڭ كۇمىس جۇلدەگەرى، 1981 جىلى تامپەرادا وتكەن ەۋروپا چەمپيوناتىنىڭ قولا جۇلدەگەرى،1983 جىلى ۆارنادا وتكەن ەۋروپا چەمپيونى جانە كسرو-نىڭ بىرنەشە دۇركىن چەمپيونى.
