Virus jūqtyrǧandar qatarynan 700-den astam Almatylyq qalanyŋ qoǧamdyq mekemelerıne kıruge tyrysty, dep habarlaidy "Adyrna" portaly qalalyq sanitarlyq-epidemiologiialyq baqylau departamentıne (QSEBD) sılteme jasap.
9 säuır men 1 şılde aralyǧynda Ashyq qosymşasy arqyly 1449 almatylyq «qyzyl» märtebege ie boldy. Taǧy 370 qala tūrǧyny «sary» märtebesın rastady.
Memlekettık mekemelerge kıre berıste skanerleu kezınde «qyzyl» märtebesı Almaty qalasynyŋ 716 tūrǧynyna, «sary» - 189-ǧa tırkeldı. Karantinge enuı kerek almatylyqtar köbınese tamaqtanu oryndaryna barǧysy kelgen (286 «qyzyl» märtebesı), sondai-aq fitnes ortalyqtary men basseinderde (157 adam).
Üide otyryp, QR kodyn skanerleu kezınde 733 tūrǧyn «qyzyl» märtebesın, al 181 tūrǧyn «sary» märtebesın rastady.Sanitarlyq qyzmet olardyŋ qoǧamdyq oryndarǧa, onyŋ ışınde basseinderge, saunalarǧa, kafelerge barǧysy keletındıgın anyqtady.
Almaty QSEBD CVI-men ambulatoriialyq emdelıp jatqan nemese jūqtyrǧan adamdarmen bailanysta bolǧan azamattardy jauapkerşılık tanytuǧa, özın oqşaulau erejelerın saqtauǧa jäne ainalasyndaǧy adamdardy qauıp-qaterge ūşyratpauǧa şaqyrdy.
Esterıŋızge sala keteiık, 2 şıldeden bastap Ashyq qyzmetı sauda ortalyǧy men qala bazarlaryna kıre berıste ıske qosyldy. Jüiege «Kök bazar» men ırı sauda oiyn-sauyq ortalyqtary qosyldy.
"Adyrna" ūlttyq portaly
Ūqsas jaŋalyqtar
