الماتى وبلىسىنىڭ رايىمبەك اۋدانىندا 15 جاستاعى مەكتەپ وقۋشىسىنا قاتىستى اۋىر قىلمىس فاكتىسى بويىنشا تەرگەۋ باستالدى، دەپ حابارلايدى "ادىرنا" ۇلتتىق پورتالى.
الدىن الا مالىمەتتەرگە سايكەس، 16–25 جاس ارالىعىنداعى بىرنەشە كۇدىكتى ءجاسوسپىرىمدى جۇيەلى تۇردە قورقىتىپ، وعان زورلىق-زومبىلىق كورسەتكەن. وقيعا شامامەن ەكى اي بويى جالعاسقان.
اقپارات العاشىندا وقۋشىلار اراسىندا تاراپ، كەيىن مەكتەپ اكىمشىلىگىنە بەلگىلى بولعان. مەكتەپ باسشىلىعى جاعدايدى انىقتاعاننان كەيىن ءتيىستى ورگاندارعا حابار بەرىلگەن.
اتالعان دەرەك بويىنشا قىلمىستىق ءىس 2026 جىلعى 16 ناۋرىزدا تىركەلگەن. قازىرگى ۋاقىتتا قۇقىق قورعاۋ ورگاندارى ءىستىڭ بارلىق ءمان-جايىن انىقتاپ، كۇدىكتىلەردى جاۋاپكەرشىلىككە تارتۋ باعىتىندا جۇمىستار جۇرگىزىپ جاتىر.
رەسمي مالىمەتتەرگە سايكەس، تەرگەۋ بارىسى باقىلاۋعا الىنعان. قۇزىرلى ورگاندار وقيعاعا قاتىستى قوسىمشا اقپاراتتى جاريالامادى.
ماماندار مۇنداي جاعدايلاردا جابىرلەنۋشىلەرگە دەر كەزىندە كومەك كورسەتۋ جانە قۇقىق قورعاۋ ورگاندارىنا جۇگىنۋ ماڭىزدى ەكەنىن اتاپ وتەدى.
