شىمكەنت قالاسىندا ەلوردا كۇنى مەرەكەسىنە وراي مەديتسينالىق مەكەمەلەردىڭ اشىلۋ سالتاناتى ءوتتى.
شىمكەنت قالاسى اكىمىنىڭ ءبىرىنشى ورىنباسارى شىڭعىس مۇقان، قالا اكىمى اپپاراتىنىڭ باسشىسى عابيت ماۋلەنقۇلوۆ، قالالىق دەنساۋلىق ساقتاۋ باسقارماسىنىڭ باسشىسى باقىتجان پوزيلوۆ تاۋلىك بويى جۇمىس ىستەيتىن “ۆيكتوريا” وڭالتۋ ورتالىعىنىڭ اشىلۋىنا قاتىستى.
اۋرۋحانادان شىققان ناۋقاستار ەندى بىردەن وڭالتۋ ەمىن قابىلداي الادى. قالا اكىمىنىڭ ءبىرىنشى ورىنباسارى وڭالتۋ ورتالىعىنىڭ قالا تۇرعىندارى ءۇشىن ماڭىزى زور ەكەنىن اتاپ ءوتتى.
جاڭادان اشىلعان ەمدەۋ مەكەمەسى 120 ورىنعا لايىقتالعان. مۇنداعى قىزمەتتىڭ بارلىق ءتۇرى تەگىن كورسەتىلەدى.
ناقتىراق ايتقاندا، ورتالىقتا نەۆرولوگيالىق، نەيروحيرۋرگيالىق، ورتوپەديالىق، تراۆماتولوگيالىق بەيىندەگى جانە كۇندىزگى ستاتسيوناردا 18 جاستان اسقان ناۋقاستاردى قالپىنا كەلتىرۋ جانە مەديتسينالىق وڭالتۋ ەمدەرى جۇرگىزىلەدى. بۇل ورتالىقتىڭ ەرەكشىلىگى، اۋرۋحانادان شىعارىلعان ناۋقاستار كەدەرگىسىز ەم قابىلداۋعا مۇمكىندىگى بار.
ورتالىقتاعى مەديتسينالىق كومەك مىندەتتى الەۋمەتتىك مەديتسينالىق ساقتاندىرۋ پاكەتى شەڭبەرىندە تەگىن كورسەتىلەتىن بولادى. سونداي-اق، مۇندا مەديتسينا قىزمەتكەرلەرى ءۇشىن 120 جۇمىس ورنى اشىلدى.
شىمكەنت قالاسى اكىمدىگىنىڭ ءباسپاسوز قىزمەتى
