ەستونيا پرەزيدەنتتىگىنە كانديدات حەنن پىللۋااس رەسەيدەن اۋماقتىڭ ءبىر بولىگىن قايتارۋدى تالاپ ەتتى. بۇل تۋرالى ول ەستونيانىڭ كونسەرۆاتيۆتى حالىقتار پارتياسىنىڭ (EKRE) سەزىندە مالىمدەدى، دەپ حابارلايدى «ادىرنا» ءتىلشىسى ريا نوۆوستيگە سىلتەمە جاساپ.
ەستونيالىق ساياساتكەر 1920 جىلى جاسالعان تارتۋ بەيبىتشىلىك كەلىسىمىنىڭ ءالى دە ءوز كۇشىندە ەكەنىن اتاپ ءوتتى. ول مالىمدەمە بارىسىندا رەسەيمەن شەكارا تۋرالى كەلىسىمنىڭ راتيفيكاتسيالانۋىنا قارسى ەكەنىن جەتكىزدى. پرەزيدەنتتىككە كانديداتتىڭ ايتۋىنشا، رەسەي بيلىگى نارۆا جانە پەچورا اۋداندارىنىڭ ءبىر بولىگىن تاللينگە بەرۋى قاجەت.
ايتا كەتەيىك، بۇعان دەيىن پىللۋااس ازاماتتارعا جاڭا جىلدىق ۇندەۋى كەزىندە رەسەيگە قاتىستى تەرريتوريالىق شاعىمدار ايتقان بولاتىن. ال مەملەكەتتىك دۋما ەستونيا بيلىگى وكىلدەرىنىڭ مۇنداي مالىمدەمەلەرى ەكى ەلدىڭ قارىم-قاتىناسىندا قوسىمشا شيەلەنىس تۋدىراتىنىن ەسكەرتتى.
«ادىرنا» ۇلتتىق پورتالى
