Estonııa Prezıdenttigine kandıdat Henn Pyllýaas Reseıden aýmaqtyń bir bóligin qaıtarýdy talap etti. Bul týraly ol Estonııanyń konservatıvti halyqtar partııasynyń (EKRE) sezinde málimdedi, dep habarlaıdy «Adyrna» tilshisi RIA Novostıge silteme jasap.
Estonııalyq saıasatker 1920 jyly jasalǵan Tartý beıbitshilik kelisiminiń áli de óz kúshinde ekenin atap ótti. Ol málimdeme barysynda Reseımen shekara týraly kelisimniń ratıfıkaııalanýyna qarsy ekenin jetkizdi. Prezıdenttikke kandıdattyń aıtýynsha, Reseı bıligi Narva jáne Pechora aýdandarynyń bir bóligin Tallınge berýi qajet.
Aıta keteıik, buǵan deıin Pyllýaas azamattarǵa jańa jyldyq úndeýi kezinde Reseıge qatysty terrıtorııalyq shaǵymdar aıtqan bolatyn. Al Memlekettik Dýma Estonııa bıligi ókilderiniń mundaı málimdemeleri eki eldiń qarym-qatynasynda qosymsha shıelenis týdyratynyn eskertti.
«Adyrna» ulttyq portaly
