كەشە باتىس قازاقستان وبلىسىندا ەكى ادام سۋعا باتىپ كەتتى، دەپ حابارلايدى «ادىرنا» ءتىلشىسى.
بقو تجد ءباسپاسوز قىزمەتى وقيعانىڭ ساعات 17.10-دا جايىق وزەنىندە بولعانىن مالىمدەدى.
ۋردينسكايا كوشەسى ماڭىندا تجد جقب ىزدەستىرۋ توبى 48 جاستاعى ەر ادامنىڭ ءمايىتىن تاۋىپ الىپ، سۋدان الىپ شىققان. ول ساعات 15.43-تە 10 جاسار قىزىن قۇتقارۋ ءۇشىن سۋعا كەتكەن. ال ءجاسوسپىرىم قىزدىڭ دەنەسىن كۋاگەرلەر شىعارىپ العان.
بقو تج دەپارتامەنتى رۇقسات ەتىلگەن جانە جاعاجايلاردا عانا سۋعا شومىلۋعا بولاتىنىن تۇرعىندار ەسىنە سالادى. رۇقسات ەتىلمەگەن، سونداي-اق، ەسكەرتۋلەرى بار بەلگىلەردەن اسىپ جۇزۋگە، كۇن كوزىنە قاتتى قىزدىرىنىپ، سۋعا سەكىرۋگە بولمايدى. ماس كۇيدە دە شومىلۋعا بولمايدى.
«ادىرنا» ۇلتتىق پورتالى