Keshe Batys Qazaqstan oblysynda eki adam sýǵa batyp ketti, dep habarlaıdy «Adyrna» tilshisi.
BQO TJD baspasóz qyzmeti oqıǵanyń saǵat 17.10-da Jaıyq ózeninde bolǵanyn málimdedi.
Ýrdınskaıa kóshesi mańynda TJD JQB izdestirý toby 48 jastaǵy er adamnyń máıitin taýyp alyp, sýdan alyp shyqqan. Ol saǵat 15.43-te 10 jasar qyzyn qutqarý úshin sýǵa ketken. Al jasóspirim qyzdyń denesin kýágerler shyǵaryp alǵan.
BQO TJ departamenti ruqsat etilgen jáne jaǵajaılarda ǵana sýǵa shomylýǵa bolatynyn turǵyndar esine salady. Ruqsat etilmegen, sondaı-aq, eskertýleri bar belgilerden asyp júzýge, kún kózine qatty qyzdyrynyp, sýǵa sekirýge bolmaıdy. Mas kúıde de shomylýǵa bolmaıdy.
«Adyrna» ulttyq portaly